Google+ Followers

Thursday, November 28, 2013

தற்கொலை தாக்குதலிலிருந்து தப்பியது எவ்வாறு?; மன்றில் பொன்சேகா விளக்கம்


28-11-2013

'இராணுவ தலைமையகத்தில் இடம்பெற்ற தற்கொலைக் குண்டுத் தாக்குதல் இடம்பெற்ற போது நான் சுமார் 5 நிமிடங்கள் வரை வாகனத்துக்குள்ளேயே கதவை இறுகப் பிடித்துக்கொண்டிருந்தேன். பின்னர் அங்கிருந்த இராணுவ அதிகாரி ஒருவர் என்னை அம்புயுலன்ஸ் வண்டியொன்றில் ஏற்றில் வைத்தியசாலைக்கு அழைத்துச் சென்றார்' என முன்னாள் இராணுவத் தளபதி சரத் பொன்சேகா தெரிவித்தார். 

2006ஆம் ஆண்டு செப்டெம்பர் மாதம், கொழும்பிலுள்ள இராணுவ தலைமையகத்துக்குள் இடம்பெற்ற தற்கொலைக் குண்டுத் தாக்குதல் தொடர்பான வழக்கு விசாரணை இன்று (28) கொழும்பு மேல் நீதிமன்றத்தில் இடம்பெற்றது. 

இதன்போது முன்னாள் இராணுவத் தளபதி சரத் பொன்சேகா சாட்சியமளித்த போது குண்டு வெடித்த பின்னர் தான் 5 நிமிடங்கள் வரை வாகனத்தின் கதவை பிடித்துக்கொண்டிருந்ததாகவும் பின்னர் ஒரு இராணுவ அதிகாரி தன்னை அம்புலன்ஸில் ஏற்றி தேசிய வைத்தியசாலைக்கு கொண்டு சென்றதாகவும் கூறினார்.

இராணுவ தலைமையகத்திலிருந்து பாதுகாப்பு தொடரணியுடன் புறப்பட்டு வந்தபோது வாசலி;ல் நின்ற கூட்டத்தினிடையே நீல நிற சல்வார் அணிந்த ஒரு பெண்ணை கண்டதாக சரத் பொன்சேகா கூறினார். 

இவரது கார் இந்த பெண்னை 2 மீற்றர் அளவில் நெருங்கியபோது அந்த பெண் நின்ற பக்கத்தில் தீச்சுவாலை எழும்பியதாகவும் சாரதி முன்னே சரிந்து கிடந்ததாகவும் தனதருகில் இருந்த இரண்டு காவலர்களும் நிலத்தில் கிடப்பதை கண்டதாகவும் அவர் கூறினார்.

தான் 5 நிமிடங்களுக்கு மேலாக கதவைப்பிடித்துக் கொண்டு உதவியை எதிர்பார்த்து இருந்ததாக கூறினார்.

எதிராளிகளான கிருபாகரன், சூரியகுமார், பிரகாஷ் ஆகியோரின் சார்பில் என்.ஸ்ரீகாந்தன், எஸ்.பஞ்சாட்சரன், ஏ.பிரியந்தன் ஆகிய சட்டத்தரணிகள் ஆஜராகினர். வழக்கு மார்ச் 20ஆம் திகதிக்கு ஒத்திவைக்கப்பட்டது.

பொன்தீவுக்கண்டல் கிராமத்தில் 46 முஸ்ஸிம் குடும்பங்களின் காணிப் பிரச்சினைக்கு இணக்கப்பாடு

 

28-11-2013

மன்னார் மாவட்டத்தின் நானாட்டான் பிரதேச செயலாளர் பிரிவுக்கு உட்பட்ட பொன்தீவுக்கண்டல் கிராமத்தில் 46 முஸ்ஸிம் குடும்பங்களுக்கு வழங்கப்பட்ட காணி தொடர்பில் ஏற்பட்ட முறுகல் நிலைமை சமரசப் பேச்சுவார்த்தையின் பின்னர் இணக்கப்பாட்டிற்கு வந்துள்ளதாக வடமாகாணசபை உறுப்பினர் றிப்கான் பதியுதீன் தெரிவித்தார்.

மேற்படி 46 முஸ்லிம் குடும்பங்களுக்கும் பொன்தீவுக்கண்டல் கிராமத்திலேயே வசிப்பதற்கு இணக்கம் காணப்பட்டுள்ளது.  

பொன்தீவுக்கண்டல் கிராமத்தில் 46 முஸ்லிம் குடும்பங்களுக்கு காணிகள் வழங்கப்பட்டன. இதற்கு பொன்தீவுக்கண்டல் கிராமத்தைச் சேர்ந்த மக்கள்  எதிர்ப்புத் தெரிவித்ததினால் முறுகல் நிலைமை ஏற்பட்டது. 

பொன்தீவுக்கண்டல் கிராமத்தில் 46 முஸ்லிம்  குடும்பங்களுக்கு நானாட்டான் பிரதேச செயலகத்தின் ஊடாக காணிகள் ஒதுக்கப்பட்டு அந்த மக்கள் தங்களது காணிகளில் வீடுகளை அமைக்கும் ஆரம்பப் பணியில் ஈடுபட்டு வந்தனர்.

இதற்கு பொன்தீவுக்கண்டல் கிராமத்தைச் சேர்ந்த மக்கள்  எதிர்ப்புத் தெரிவித்ததினால்  வீடுகள் அமைக்கும்  வேலைத்திட்டங்கள் கைவிடப்பட்டிருந்தன.

இதனைத் தொடர்ந்து நானாட்டான் பிரதேச செயலாளர் எஸ்.சந்திரையா, மன்னார் மாவட்ட மேலதிக அரசாங்க அதிபர் நந்தினி ஸ்ரான்லி டி மேல் மற்றும் பொன்தீவுக்கண்டல் கிராம மக்கள், நாடாளுமன்ற உறுப்பினர்கள், மாகாண அமைச்சர், மாகாண சபை உறுப்பினர்களுக்கு இடையில் தொடர்ச்சியாக கலந்துரையாடல்கள் நடைபெற்றன. 

இதனைத் தொடர்ந்து பொன்தீவுக்கண்டல் கிராமத்தில் முஸ்ஸிம் மக்களுக்கு வழங்கப்பட்ட காணி தொடர்பில் ஏற்பட்ட முறுகல் நிலைமை சமரசப் பேச்சுவார்த்தையின் பின்னர் இணக்கப்பாட்டிற்கு வந்துள்ளதாகவும் அவர் கூறினார். 

இருப்பினும் பொன்தீவுக்கண்டல் கிராமத்தைச் சேர்ந்த ஒரு சிலர் எதிர்ப்புத் தெரிவித்து வருகின்றனர் எனவும் அவர் கூறினார். 

பாதிக்கப்பட்ட  46 முஸ்லிம் குடும்பங்களும் பூவரசங்குளம் பகுதியில் உள்ள உறவினர்களுடைய வீடுகளில் வாழ்ந்து வருகின்றனர். இந்தக் குடும்பங்கள்  வீடுகளை  அமைப்பதற்காக ஒதுக்கப்பட்ட நிதியும்  திரும்பும் தறுவாயில் உள்ளது. இந்தக் குடும்பங்களும் அசௌகரியங்களுக்கு முகம் கொடுத்து வருகின்றனர்.

46 முஸ்லிம் குடும்பங்களுக்குமான வீட்டு வேலைத்திட்டங்கள் முன்னெடுக்கப்படும். பொன்தீவுக்கண்டல் கிராமத்தில் தமிழ், முஸ்ஸிம் என்ற பாகுபாடுகள் எவையும் இன்றி அந்த மக்களுக்கு சகல உதவிகளும் மேற்கொள்ளப்படும் எனவும் அவர்  தெரிவித்தார்.

மன்னாரில் கைதான மூவரையும் தடுத்து வைத்து விசாரிக்க உத்தரவு

 28-11-2013


மன்னார் முருங்கன் பகுதியில் நேற்று புதன்கிழமை கைதுசெய்யப்பட்ட 3 பேரையும் எதிர்வரும் 72 மணித்தியாலம் வவுனியா பயங்கரவாத தடுப்புப்பிரிவு பொலிஸில் தடுத்து வைத்து விசாரணைகளை மேற்கொள்ள மன்னார் பதில் நீதவான் இ.கயஸ் பல்டானோ இன்று வியாழக்கிழமை உத்தரவிட்டார்.

மன்னார் முருங்கன் பகுதியில் உள்ள வீதி மதில்களில் நேற்று புதன்கிழமை மாவீரர் தினம் என எழுதிக்கொண்டிருந்த குற்றச்சாட்டில் சந்தேகத்தின் பேரில் அப்பிரதேசத்தைச் சேர்ந்த மூவரை இராணுவத்தினர் கைதுசெய்து முருங்கன் பொலிஸாரிடம் ஒப்படைத்தனர்.

முருங்கன் பொலிஸார் விசாரணைகளின் பின் குறித்த மூவரையும் இன்று வியாழக்கிழமை மன்னார் நீதிமன்றத்தில் ஆஜர்படுத்தினர். 

குறித்த மூவரும் பயங்கரவாதத்தை தூண்டும் வகையிலும், இன முரண்பாட்டிற்கு வழியமைக்கும் வகையிலும் முருங்கன் பகுதியில் 'மாவீரர் தினம'; என எழுதியதாக கூறி இவர்களை மன்றில் ஆஜர்படுத்தினர்.

இதன்போது மன்னார் நீதிமன்றத்தில் பிரசன்னமாகியிருந்த  வவுனியா பயங்கரவாத தடுப்புப்பிரிவு பொலிஸார் குறித்த 3 சந்தேக நபர்களையும் தங்களுடைய தடுப்பில் வைத்து 72 மணித்தியாலங்கள் மேலதிக விசாரணைக்கு  உற்படுத்த வேண்டும் என மன்னார் பதில் நீதவான் இ.கயஸ் பல்டானோவின் கவனத்திற்கு கொண்டு வந்தனர்.

இந்த நிலையில் குறித்த 3 நபர்களையும் எதிர்வரும் ஞாயிற்றுக்கிமை வரை 72 மணித்தியாலங்கள் வவுனியா பயங்கரவாத தடுப்புப்பிரிவு பொலிஸில் தடுத்து வைத்து விசாரனைகளை மேற்கொள்ள பதில் நீதவான் அனுமதி வழங்கினார்.

இவர்கள் மூவரையும் மீண்டும் எதிர்வரும் ஞாயிற்றுக்கிழமை மன்னார் நீதவான் முன்னிலையில் ஆஜர்படுத்துமாறும் பதில் நீதவான் வவுனியா பயங்கரவாத தடுப்புப்பிரிவு பொலிஸாருக்கு உத்தரவிட்டுள்ளார்.

மேற்படி சந்தேக நபர்கள் சார்பாக சட்டத்தரணிகளான பிரிமூஸ் சிறாய்வா, ஜெபநேசன் லோகு, எஸ்.வினோதன் ஆகியோர் ஆஜராகியிருந்தமை குறிப்பிடத்தக்கது.

Thursday, November 21, 2013

மன்னார் மீனவர்கள் இன்று பணிப்பபகிஸ்கரிப்பு

-மேலதிக அரசாங்க அதிபருக்கு மகஜர்  கையளிப்பு.

 21-11-2011
உலக மீனவர் தினமான இன்று வியாழக்கிழமை மன்னார் மாவட்ட மீனவர்கள் பல்வேறு கோரிக்கைகளை  முன்வைத்து மன்னாரில் இன்று(21-11-2013) தொழில் பகிஸ்கரிப்பில் ஈடுபட்டதோடு தமது கோரிக்கை அடங்கிய மகஜரை கடல் தொழில் நீரியல் வளத்துறை அமைச்சர் ராஜீத சேனாரத்ன அவர்களுக்கு வழங்கும் முகமாக மன்னார் மாவட்டச் செயலகத்திற்கு சென்று மேலதிக அரசாங்க அதிபரிடம் மகஜரை கையளித்துள்ளனர்.

-மன்னார்  மாவட்ட மீனவர் கூட்டுறவுச்சங்கங்களின் சமாதத்தில் அதன்  தலைவர் என்.எம்.ஆலம் தலைமையில் மன்னார் மாவட்டத்தில் உள்ள மீனவ சங்கங்களின் பிரதி நிதிகள்   காலை 9.45 மணியளவில்  ஒன்று கூடினர்.பின்னர் அங்கிருந்து ஊர்வலமாக மன்னார் மாவட்டச் செயலகத்திற்குச் சென்று தமது கோரிக்கை அடங்கிய மகஜரை மன்னார் மாவட்ட மேலதிக அரசாங்க  அதிபர் திருமதி ஸ்ரான்லி டி மேலிடம் கையளித்தனர்.

குறித்த மகஜரில் மேலும் குறிப்பிடுகையில்,,,,

 உலக மீனவர்  தினத்தில்  மன்னார்  மாவட்ட மீனவர்கள் எதிர் நோக்கும் பிரச்சினைகள் மற்றும் இந்திய சிறைகளில் வாடும் இலங்கை மீனவர்களை விடுதலை செய்தல் தொடர்பாக    

மன்னார் மாவட்ட மீனவர்கள் எதிர் நோக்கும் பிரச்சினைகள்,பாதிப்புக்கள்,துயரங்கள் இது வரை எவராலும் கண்டு கொள்ளப்படாமை , இதுவரை இப்பிரச்சினைகள் தீர்வு காணப்படாமை ,இதனால் தங்கள் இயலாமையின் வெளிப்பாட்டையும் ஆதங்கத்தையும் இன்றைய உலக மீனவர் தினத்தை பகிஸ்கரிப்பதன் மூலம் உலகறியச் செய்யதீர்மானித்தோம்.

 மன்னார் மாவட்டத்தில் நாற்பதாயிரம் உறவுகளை கொண்ட ஒன்பதாயிரம் குடும்பங்கள் இக்கடலினூடாக மீன்பிடியின் மூலமான வாழ்வாதாரத்தை நம்பியவர்களாக உள்ளனர். 

தன் உயிரை பணயம் வைத்து உலகுக்கு உணவளிக்கும் அம் மீனவர்களின் நியாயமான கோரிக்கைகள் தீர்வுகான முடியாததுமல்ல இம் மீனவர்களுக்காக அனைவரும் சேர்ந்து தீர்வுகாண்பதுடன் அவர்களின் துயர் துடைக்கவழிசமைப்போம்.

1. இந்திய இழுவைப்படகுகளின்  தொழில் ஆக்ரமிப்பு

2. இந்தியஅரசால் தடுத்து வைக்கப்பட்டுள்ள  இலங்கை மீனவர்களை விரைந்து விடுதலைசெய்தல்.

3.
தென்பகுதி மீனவர்களின் மிதமிஞ்சியவருகை

4. தடை செய்யப்பட்  சிலிண்டர் தொழிலினால் தொழில் இழப்பு

5. அனர்த்தத்தின் போது பாதிக்கப்படும் மீனவர்களுக்கான இழப்பீடு வழங்கப்படமை

6. எரிபொருள் மானியமுத்திரைநிறுத்தத்தின் தாக்கம் என்பவற்றை முன்நிறுத்தி இப்பகிஸ்கரிப்பை மேற்கொள்ளுகின்றனர்.

இந்திய இழுவைப் படகுகளின் தொழில் ஆக்கிரமிப்பு

1. இந்திய இழுவைப் படகுகள் எமது கடல் பகுதிக்குள் உள்நுழைந்துதொழில் செய்கின்றமையால் எமதுவளங்கள் அழிக்கப்படுகின்றன.

2. போரின் வடுக்களிலிருந்து மீண்டமக்கள் கடலில் சுதந்திரமாக தொழில் செய்யமுடியாமை.

3. மீன் இனங்கள் வாழ்வதற்கு இயற்கையால் வழங்கப்பட்ட முருகைகற்களும் பவள பாறைகளும் அழிக்கப்படுகின்றன.

4. எதிர் கால சந்ததியினருக்கு வளங்கள் இல்லாது அழிக்கப்படுகின்றன.

5. சிறு மீனவர்கள் தங்கள் வாழ்வாதாரத்தை முற்றாக இழந்துள்ளனர்.
]
6. பல இலட்சம்  ரூபாபெறுமதியான வலைகள் ,மீன்பிடிஉபகரணங்கள் இந்திய  இழுவைப்படகுகளால் இழுத்து செல்லப்படுகின்றன, நாசமாக்கப்படுகின்றன .
இதற்கான கொடுப்பனவுகளோ, நிவாரணங்களோ,மானியங்க ளோ வழங்கப்படுவதில்லை.

7. கடல் தாவரம் அழிக்கப்படுவதால் மீன்களுக்கும் குஞ்சுகளுக்கும் தேவையான உணவும் அதற்கான பாதுகாப்பும் இல்லாமல் செய்யப்படுகின்றன.

8. எமது கடற்பரப்பில் நாளொன்றுக்கு பல கோடி ரூபா பெறுமதியான கடலுணவுகள்  சுரண்டப்படுகின்றன.|

9. எமது மீனவர்கள் வாரத்தில் மூன்று தினங்களே எமது கடற்பரப்பில் தொழில் செய்யமுடியும் என்ற நிலை ஏற்பட்டுள்ளது.

இந்திய அரசால் தடுத்து வைக்கப்பட்டுள்ள இலங்கை மீனவர்களை விரைந்து விடுதலைசெய்தல்.

கடந்த இரண்டு மாதங்களுக்கு முன் எமது கடற்பரப்பில் வைத்து எல்லை கடந்து வந்தனர் என்ற குற்றச்சாட்டை முன்வைத்து இந்திய அரசால் கைது செய்யப்பட்டுள்ள எமது சகோதர மீனவர்களை விரைந்து விடுதலை செய்ய அரசு முன் வரவேண்டும்.
.
தென்பகுதி மீனவர்களின் மிதமிஞ்சிய வருகை

01. தென்பகுதிமீனவர்களின் மிதமிஞ்சியவருகையாலும் இங்குள்ளமீனவர்களின் இறங்குதுறைகளில் அதிகளவுவாடிகளை   அமைக்கின்றமையால் எமதுமீனவர்கள் பலஇடர்பாடுகளைஎதிர்நோக்குகின்றன.

02. இங்குள்ள சங்கங்களின் சட்டதிட்டங்களுக்கு கட்டுப்படுவதில்லை.

03. சங்கங்களிடம் அனுமதிபெறுவதில்லை.

04. தங்களுக்குள் சங்கம் அமைத்து தன்னிச்சையாக செயற்படுகின்றார்கள்.

05. அமைக்கும் வாடிகளை தொழில் காலம் முடிந்தவுடன் அகற்றாமல் செல்கின்றமை.

06. இவர்கள் வகை தொகை இன்றி வருவதாலும் பருவகாலங்களில் இக்கடல் பிரதேசத்தை பயன்படுத்துவதாலும், இக்குறுகிய கடற்பிரதேசத்தை நம்பி வாழும் இக் கரையோர மக்கள் இப்பருவகால மீன்பிடியை இழக்கின்றன.

07. மூன்று தசாப்தங்களாக யுத்தத்தில் இருந்துமீண்டஎமதுமக்கள் இன்னும் பொருளாதார முன்னேற்றங்கள் அற்ற நிலையிலே தொழில்களை மேற்கொண்டு வருகின்றநிலையில் தென்பகுதி மீனவர்களின் வருகையில் எமது வாழ்வாதாரம் நலிவடைகின்றது.

08.ஆறு மாதகால தொழிலின்றி கடன்பட்டு நகைகளை அடகு வைத்து பிள்ளைகளின் கல்விச் செலவு,மருத்துவச் செலவு,போன்ற செலவுகளை கூட இந்த பருவகால மூலம் தான் தொழில் செய்துமீட்டுக் கொள்ளுகின்றனர்.

09. ஒவ்வொருவருடமும் இவர்களது வருகை மட்டுப்படுத்தப்பட்ட அளவில் இருந்து அதிகரித்துக் கொண்டே போவதனால் எம்முடைய மீனவர்களின் அன்றாட மீன்பிடியில் பாரிய வீழ்ச்சிஅடைகின்ற நிலையும் பட்டினிவாழ்வும் காணப்படுகின்றது.

தடை செய்யப்பட்ட சிலின்டர் தொழிலை நிறுத்துதல்

01. எமது கடல் பகுதியில் அட்டை சங்கினை பாஸ் என்ற அனுமதியின் பெயரில் சிலின்டர் பயன்படுத்தி இத் தொழில் புரிவோர் பயனடைகின்றார்கள்.

02. மன்னார் மாவட்டத்திலுள்ள ஆயிரக்கணக்கான மீனவ குடும்பங்களுக்கு வருமானத்தை தரக்கூடிய அட்டைச்சங்கு தொழிலானது சிலின்டர் பாவித்து கரையோரப்பகுதியில் தொழில் புரிவதால் பாரிய தொழில் இழப்பை எமது மீனவர்கள் எதிர்நோக்குகின்றார்கள்.

03. 19.03.2013 கடற்றொழில் உதவிப்பணிப்பாளரின் கடிதம் மூலம் கரையோரம் தடை செய்யப்பட்டு சிறிது காலம் ஓய்ந்திருந்த சிலின்டர் தொழில் மீண்டும் செய்யப்படுகின்றது. 

ஆழ்கடலில் தொழில் செய்யஅனுமதிக்கப்பட்டசிலின்டர் கொண்டு கடல் அட்டை,சங்குகுளித்தல் தொழிலைஎமதுகரையோரப்பகுதியில் தொழில்புரிவதைநிறுத்தி இத்தொழிலுக்கெனகுறித்தொதுக்கப்பட்டபகுதியில் தொழில் புரிவதை உறுதிப்படுத்தல்.

அனர்த்தத்தின் போது பாதிக்கப்படும் மீனவர்களுக்கான இழப்பீடு

01. கடந்தகாலங்களில் இயற்கைஅனர்த்தங்களின் போது எமது மீனவர்கள்  தங்கள் உயிர்களையும் உடமைகளையும் இழந்துள்ளனர். 

மேலும் கடல் சீற்றம் கால நிலை மாற்றம் என பலமாதங்கள் தொழில் இன்றி தமது வாழ்வாதாரத்தை இழந்துள்ளனர். 

இவர்களின் பெயர்கள் தகவலாக திரட்டப்படுகின்றன.  ஆனால் கொடுப்பனவுகள் ஏதும் வழங்கப்படுவதில்லை.

எரிபொருள் மானியமுத்திரைநிறுத்தத்தின் தாக்கம் 

16.02.2012 தொடக்கம் மீனவர்களுக்கு வழங்கப்பட்டு வரும் எரிபொருள் மானியம் இவ்வருட இறுதிக்குள்  நிறுத்தப்பட்டு  இவ் இழப்புக்கு பதிலாக வலைகள் வழங்கப்படவுள்ளதாக அறிகின்றோம். 

இது  மீனவசர்களுக்கு எந்த வகையிலும் அவர்களது இழப்பை ஈடு செய்யக்கூடியதாக இல்லை .இன்று வரை இம் மீனவர்கள் தொழில் ரீதியில் உயர்வடையவும் இல்லை .

இவ் உபகரணங்கள் வழங்கப்படுவதால்  அவர்களது வாழ்வாதாரமும் உயர்வடைவதாகவும் இல்லை .

 இம் மீனவர்கள் இவ் உபகரணங்களுக்கு பதிலாக தொடர்ந்து எரிபொருள் மானியத்தை வழங்குமாறு அல்லது எரிபொருளுக்கு விலை குறைப்பு செய்யுமாறும் கோரி நிற்கின்றனர்.

இவ்வாறான பிரச்சினைகள் தொடர்ந்து வருவதால் இம் மீனவர்கள் கடன் சுமைக்கும் வறுமைக்கும் சிக்குண்டு தங்கள் தொழில்களை கைவிட்டு தங்களது உயிர்களை மாய்க்கவும் அல்லது நாட்டை விட்டு அயல் நாட்டுக்கு இடம்பெயர்ந்துசெல்லவும் வழிவகுக்கின்றது.

எனவே இவர்களின் இந்நியாயமான கோரிக்கைக்கு தீர்வினைவழங்குமாறு மன்னார் மாவட்ட மீனவ சமூகம் சார்பாக கேட்டுநிற்கின்றோம்.என குறிப்பிடப்பட்டுள்ளது.



Tuesday, November 19, 2013

மன்னார் வின் இணையத்தளத்தின் தொடர்புகளுக்கு-

மன்னார் வின் இணையத்தத்தின் செய்தி மற்றும் விளம்பரத்தொடர்புகளுக்கு

தொலைபேசி இல:-0777877189,0716251237

மின்னஞ்சல்:-srl.mnp@gmail.com

ஸ்கைப்:-s.r.lambart

இணையத்தள முகவரி:-www.mannarwin.com/www.lambartjtnews.blogspot.com

யாழ்ப்பாணத்தில் அருட்தந்தை,மக்கள் தாக்கப்பட்டமைக்கு செல்வம் அடைக்கலநாதன் கண்டனம்!

19-11-2013



 யாழ்ப்பாணத்தில் இடம் பெற்ற கவனயீர்ப்பு போராட்டத்தின் போது அதில் கலந்து கொண்ட மக்கள் மீதும் கத்தோலிக்க அருட்தந்தையர்கள் மீதும் படைத்தரப்பினர் மேற்கொண்ட கண்மூடித்தனமான தாக்குதல் சம்பவத்தை தாம் வண்மையாக கண்டிப்பதாக தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் செல்வம் அடைக்கலநாதன் தெரிவித்தார்.

இது தொடர்பாக அவர்   வெளியிட்டுள்ள அறிக்கையில் மேலும் குறிப்பிடுகையில்,,,,

காணாமல் போனவர்களது உறவுகள் தமது உறவுகளை மீட்டுத்தருமாறு கோரி கடந்த வெள்ளிக்கிழமை யாழ்ப்பாணத்தில் கவனயீர்ப்பு போராட்டத்தை முன்னெடுத்திருந்தனர்.யாழ்ப்பாணத்திற்கு வருகை தந்த பிரிட்டிஸ் பிரதமரிடம் தமது கோரிக்கைகளை முன் வைக்கும் முகமாக குறித்த போராட்டம் இடம் பெற்றிருந்தது.
அந்த மக்களுக்கு ஆதரவாக கத்தோலிக்க அருட்தந்தையர்களும் கலந்து கொண்டிருந்தனர்.

இந்த நிலையில் அங்கு கூடியிருந்த மக்கள் மீதும் அருட்தந்தையர்கள் மீதும் பொலிஸார் கண்மூடித்தனமான தாக்குதல்களை மேற்கொண்டுள்ளனர்.இதனை தமிழ் தேசியக்கூட்டமைப்பு வண்மையாக கண்டிக்கின்றது.

உயர் அதிகாரிகளின் பணிப்புரைக்கு அமைவாகவே கத்தோழிக்க அருட்தந்தையர்கள் மீதும்,மக்கள் மீதும் பொலிஸார் தாக்குதல்களை மேற்கொண்டுள்ளதாக தெரிய வருகின்றது.இன்றைய சூழ்நிலையில் எமது மக்களுக்கு ஒரு பக்க பலமாக கத்தோழிக்க அருட்தந்தையர்கள் செயற்பட்டு வருகின்ற நிலையில் இந்த தாக்குதல் சம்பவங்கள் திட்டமிட்டு மேற்கொள்ளப்பட்டுள்ளதை நாம் அறிகின்றோம்.

-எனவே மதத்தலைவர்கள் மீது மேற்கொள்ளப்படும் தாக்;குதல் சம்பவங்களை தடுக்க உரிய தரப்பினர் நடவடிக்கைகளை மேற்கொள்ள வேண்டும்.இந்த சம்பவங்களுக்கு எதிராக சர்வதேச சமூகம் உரிய நடவடிக்கைகளை மேற்கொள்ள வேண்டும்.என குறித்த அறிக்கையில் குறிப்பிடப்பட்டுள்ளது.


ஒலிபரப்பாளர் கௌசி ரவிசங்கர் காலமானார்

19-11-2013



தமிழ்த் தேசிய ஊடக உலகில் பிரசித்தி பெற்ற ஒலிபரப்பாளராக விளங்கிய திருமதி கௌசி ரவிசங்கர் அவர்கள் காலமானார்.


2009 மே 18இற்கு முன்னர் தமிழ்த் தேசிய செயற்பாட்டாளர்களின் நிர்வாகத்தின் கீழ் அனைத்துலக ஒலிபரப்புக் கூட்டுத்தாபனம் - தமிழ் (ஐ.பி.சி) இயங்கிய காலத்தில் அதன் ஒலிரபரப்பாளராகவும், செய்தி வாசிப்பாளராகவும், நிகழ்ச்சித் தொகுப்பாளராகவும் கௌசி ரவிசங்கர் கடமையாற்றினார்.

அக்காலப் பகுதியில் தமிழ்த் தொலைக்காட்சி இணையத்தில் (ரி.ரி.என்) கலை நிகழ்ச்சிகள் சிலவற்றையும் கௌசி ரவிசங்கர் தொகுத்து வழங்கினார்.

2002ஆம் ஆண்டு ஏப்ரல் மாதம் முகமாலையில் யாழ் - கண்டி நெடுஞ்சாலை திறக்கப்பட்ட பொழுது அங்கிருந்தவாறு ரி.ரி.என் தொலைக்காட்சிக்கும், ஐ.பி.சி வானொலிக்கும் நிகழ்வுகளை அவர் தொகுத்து வழங்கினார்.

அதன் பின்னர் கிளிநொச்சியில் நடைபெற்ற தமிழீழத் தேசியத் தலைவரின் செய்தியாளர் மாநாட்டில் இரு ஊடகங்களின் சார்பாகவும் கௌசி ரவிசங்கர் கலந்து கொண்டார்.

2010ஆம் ஆண்டு பிரித்தானியாவில் அனைத்துலக உயிரோடை – தமிழ் (ஐ.எல்.சி) வானொலி ஆரம்பிக்கப்பட்ட பொழுது மூன்று மாதங்களுக்கு அதன் செய்தி வாசிப்பாளராக கௌசி ரவிசங்கர் கடமையாற்றினார்.

தவிர 2003ஆம் ஆண்டுக்கு முற்பட்ட காலப்பகுதியில் பிரித்தானியாவில் நடைபெற்ற மாவீரர் நாள் நிகழ்வுகள் உட்பட பல்வேறு எழுச்சி நிகழ்வுகளிலும், கலை நிகழ்வுகளிலும் நிகழ்ச்சிகளைத் தொகுத்து வழங்கும் ஒருவராகவும் கௌசி ரவிசங்கர் திகழ்ந்தார்.

அண்மைக் காலமாக உடல்நலக் குறைவுக்கு ஆளாகியிருந்த கௌசி ரவிசங்கர் 18.11.2013 திங்கட்கிழமை மருத்துவமனையில் காலமானார்.

தமிழ்த் தேசிய ஊடக உலகைத் தனது குரலால் சிறப்பிக்க வைத்த ஒலிப்பரப்பாளர் கௌசி ரவிசங்கர் அவர்களை இழந்து தவிக்கும் அவரது துணைவருக்கும், குடும்பத்தினருக்கும் தனது ஆழ்ந்த இரங்கலை mannarwin இணையம் தெரிவித்துக் கொள்கின்றது.
  

Monday, November 18, 2013

குடிவரவு குடியகழ்வுத் திணைக்கள அதிகாரிகள் செனல்4 ஊடகவியலாளர்களுக்கு எச்சரிக்கை

 18-11-2013     www.lambartjtnews.blogspot.com                                                                                                                
குடிவரவு குடியகழ்வுத் திணைக்கள அதிகாரிகள் செனல்4 ஊடகவியலாளர்களுக்கு எச்சரிக்கை
குடிவரவு குடியகழ்வுத் திணைக்கள அதிகாரிகள், செனல்4 ஊடகவியலாளர்களுக்கு எச்சரிக்கை விடுத்துள்ளனர். ஆறு குடிவரவு திணைக்கள அதிகாரிகள் செனல்4 ஊடகவியலாளர்களை சந்தித்து எச்சரிக்கை விடுத்துள்ளதாக குடிவரவு குடியகழ்வு கட்டுப்பாட்டாளர் சூலானந்த பெரேரா தெரிவித்துள்ளார். வீசா விதிகளை மீறிச் செயற்பட்டு வருவதாக அதிகாரிகள் எச்சரிக்கை விடுத்துள்ளனர்.

குறித்த ஊடகவியலாளர்கள் அலரி மாளிகைக்குள் பிரவேசிக்க முயற்சிப்பதாக தகவல்கள் கிடைக்கப்பெற்றது என அவர் சுட்டிக்காட்டியுள்ளார். ஊடகவியலாளர்கள் இலங்கை சட்ட திட்டங்களுக் மதிப்பளிக்க வேண்டுமென அவர் தெரிவித்துள்ளார். எனினும், அலரி மாளிகைக்குள் பிரவேசி;க்க உத்தேசிக்கவில்லை என செனல்4 ஊடகவியலாளர்கள் தெரிவித்துள்ளனர். தமக்கு கடுமையான அழுத்தங்கள் பிரயோகிக்கப்பட்டு வருவதாகவும் இதனால் தாம் நாட்டை விட்டு வெளியேறுவதாகவும் குறிப்பிட்டுள்ளனர்.

தம்மை அரச புலனாய்வுப் பிரிவினர் பின்தொடர்ந்து வந்ததாகவும் இதனால் ஊடகப் பணிகளை மேற்கொள்ள முடியாதுள்ளதாகவும் தெரிவித்துள்ளனர். இதேவேளை, ஊடகவியலாளர்களை புலனாய்வுப் பிரிவினர் பின்தொடரவில்லை எனவும், பிரபல்யம் தேடிக் கொள்ளும் நோக்கில் இவ்வாறு குற்றம் சுமத்தி வருவதாகவும் இராணுவப் பேச்சாளர் பிரிகேடியர் ருவான் வனிகசூரிய தெரிவித்துள்ளார்.
 

மன்னாரில் உள்ள பிரபல உணவகம் ஒன்றுக்கு மன்னார் நகர சபை காலவரையின்றி மூடுவிழா.

 (18-11-2013) 

மன்னார் பஸார் பகுதியில் அமைந்துள்ள பிரபல உணவகம் ஒன்றை இன்;று திங்கட்கிழமை காலை மன்னார் நகர சபையின் சுகாதார பிரிவினர் காலவரையின்றி மூடியுள்ளதாக  மன்னார் நகர சபை உறுப்பினர் எஸ். குமரேஸ் தெரிவித்தார்.
மன்னார் பஸார் பகுதியில் அமைந்துள்ள பிரபல உணவகம் ஒன்றின் மலசல கூடத்திற்கான                                                                                       மலக்கழி
வுகள் உணவகத்திற்கு முன்பாகவுள்ள   கழிவு நீர் கால்வாயினுள் செலுத்தப்படுவதாக மன்னார் நகர சபைக்கு வழங்கப்பட்ட முறைப்பாடு   மன்னார்; நகர சபையின் தலைவர் எஸ்.ஞானப்பிரகாசத்தின் பணிப்புரைக்கு அமைவாக   குறித்த உணவகத்திற்கு இன்று திங்கட்கிழமை காலை 10.30 மணியளவில் சென்ற மன்னார் நகர சபையின் செயலாளர் லெனாட் பிரிட்டே தலைமையில் உப தலைவர் ஜேம்ஸ் ஜேசுதாஸ்,நகர சபை உறுப்பினர்கள்,நகர சபை அதிகாரிகள் சென்று குறித்த உணவகத்தை   பரிசோதனை செய்தனர்.
இதன் போது குறித்த உணவகத்தின் மலசலக்கூடம்; உணவகத்தின் உற்பகுதியில் அமைந்துள்ள நிலையில் மலக்கழிவுகள் உணவகத்திற்கு முன்பாகவுள்ள   கழிவு நீர் கால்வாயினுள் கலக்கப்பட்டமை ஆரம்ப கட்ட விசாரனையின் மூலம் தெரிய வந்துள்ளது.

இந்த நிலையில் மன்னார் நகர சபை அதிகாரிகள் உடனடியாக குறித்த உணவகத்தை மூடுமாறு பணிப்புரை விடுத்துள்ளார்.

மேலதிக நடவடிக்கையினை மன்னார் நகர சபை மேற்கொண்டு வருவதோடு குறித்த உணவகம் மூடப்பட்டமைக்கான காரணத்தை   எழுத்து மூலம் குறித்த உணவகத்தின் உரிமையாளருக்கு அனுப்பிவைத்துள்ளனர்.