mannarwin

மாதா தரிசனம் என்று பொய்ப் பிரசாரம் மூலம் மன்னாரில் பணம் வசூலிப்பு!

2012-03-21T10:25:00.001-07:00

[ 21-03-2012 ]

மன்னார் மாவட்டம் உட்பட நாட்டின் பல பாகங்களுக்கும் தென்பகுதியைச் சேர்ந்த பெண் ஒருவர் சென்று தனக்கு மாதா தரிசனம் தினமும் தருகின்றார், தனது இல்லத்தில் மாதா தங்கி இருக்கின்றார் என்று கூறி, பணம் வசூலித்து வருகின்றமை மக்கள் மத்தியில் பெரும் பரபரப்பை ஏற்படுத்தியுள்ளது.

இச்சம்பவம் தொடர்பாக மேலும் தெரியவருவதாவது,

மயூரா கோட், சிற்றாலய ஒழுங்கை, கொழுத்பு-06 எனும் முகரியைச் சேர்ந்த பெண் ஒருவர், மன்னார் மாவட்டம் உட்பட நாட்டில் உள்ள பல பாகங்களுக்கும் சென்று தனக்கு மாதா தரிசனம் தினமும் தருகின்றார். தனது இல்லத்தில் மாதா தங்கி இருக்கின்றார் என பொய்யான கருத்துக்களை கூறி, அதற்கு சார்பாக போலியான புகைப்படங்களையும் காட்டி, மக்களிடமிருந்து அதிகளவான பணம் வசூலிப்பு செய்து வருவதாக தெரிவிக்கப்பட்டுள்ளது.

இதேவேளை, உள்நாட்டில் மட்டுமின்றி வெளிநாடுகளிலும் பணம் வசூலித்து வருவதாகவும் தெரிவிக்கப்பட்டுள்ளது.

இதற்கிடையில் இவர் ஒரு திருமண தரகர் என்றும் அறிமுகம் செய்து ஒரு குடும்பத்து பிரச்சினையை வேறு குடும்பங்களுக்கு தெரியப்படுத்தி, பலரின் திருமணங்களை தடுத்தும், குடும்பங்களுக்கிடையில் பிரிவினைகளை ஏற்படுத்தி மக்களை தன்வசப்படுத்தியும் வருகின்றார்.

தற்போது குறித்த பெண் தனது போலி சித்து விளையாட்டக்களை மீள் குடியேற்ற மக்கள் மத்தியிலும் காட்டி வருகின்றார். குறித்த பெண்ணின் செயற்பாடு கத்தோலிக்க திருச்சபைக்கு சீர் கேட்டை விளைவித்து வருவதாக சமூக ஆர்வலர்களும், பாதிக்கப்பட்ட மக்களும் தெரிவிக்கின்றனர்.

இந்நிலையில், குறித்த பெண்ணிண் செயற்பாடுகள் தொடர்பில் பங்கு குருக்கள் மூலம் மக்களுக்கு தெரிவிக்கப்பட்டுள்ளதுடன், போலி செயற்பாட்டின் மூலம் எவரையும் ஏமாந்து விட வேண்டாம் என மக்கள் தெரிவித்துள்ளனர்.

இலங்கையின் கொலைக்களம் - 02 தமிழில்! ( மென்மையானவர்கள் பார்க்க வேண்டாம்.)

2012-03-21T08:06:00.002-07:00

www.mannarwin.com

சாரதிகளின் அவதானத்திற்கு மன்னாரில் விளம்பரப்பலகை

2012-03-21T02:15:00.001-07:00

சாரதிகளின் அவதானத்திற்கு மன்னாரில் விளம்பரப்பலகை

[21-03-2012]

டேவிற் பீரிஸ் மோட்டார் கம்பனியினால் வாகன ஓட்டுனர்களை விழிர்ப்பூட்டும் கையில் மன்னாரில் விளம்பரப்பலகைகள் காட்சிப்படுத்தப்படவுள்ளது.

-இதன் ஆரம்ப நிகழ்வு இன்று புதன் கிழமை காலை மன்னார் பொலிஸ் நிலையத்தில் இடம் பெற்றது.

மன்னார் தீவுப்பகுதியில் உள்ள சாலைகளில் வாகனங்களை செலுத்தும் சாரதிகள் விளிர்ப்புடன் செயற்படும் முகமாக குறித்த விளம்பரப்பலகைகள் காட்சிப்படுத்தப்படும் முகமாக மன்னார் மாவட்ட பொலிஸ் அதிகாரி லக்சிறி விஜய சேன அவர்களிடம் ஒப்படைக்கப்பட்டுள்ளது.

-குறித்த விளிர்ப்பூட்டும் விளம்பரப்பலகையில் மது பானம் அருந்திவிட்டு வாகனம் செலுத்தவேண்டாம்,முறையான சாரதிகளை அன்புடன் வரவேற்கின்றோம்,உள்ளிட்ட வசனங்கள் தமிழ் மற்றும் சிஙிகள் மொழியில் எழுதப்பட்டுள்ளது.

குறித்த விளம்பரப்பலகைகள் மன்னார் நகர் மற்றும் மன்னார் -தலைமன்னார் பிரதான வீதியில் காட்சிப்படுத்தப்படவுள்ளதாக மன்னார் பொலிஸ் நிலைய பொறுப்பதிகாரி துஸார தலுவத்த தெரிவித்தார்.

மன்னாரில் 148 ஆவது பொலிஸ் வீரர்கள் தினம் அனுஸ்ரிப்பு

2012-03-20T22:40:00.005-07:00

இலங்கை பொலிஸ் நிலையத்தின் 148 ஆவது பொலிஸ் வீரர்கள் தினம் இன்று புதன் கிழமை மன்னார் பொலிஸ் நிலையத்தில் கொண்டாடப்பட்டது.

மன்னார் பொலிஸ் நிலைய பொறுப்பதிகாரி துஸார தலுவத்த தலைமையில் குறித்த நிகழ்வு இடம் பெற்றது.

MANNAR WIN VIDEO

போது மன்னார் மாவட்ட பொலிஸ் அதிகாரி லக்சிறி விஜய சேன கலந்து கொண்டார்.

குறித்த நிகழ்விற்கு விருந்தினர்கலாக ,மன்னார் பிரதேசச் செயலாளர் திருமதி ஸ்ரான்லி டி மேல், மன்னார் மாவட்ட உதவிச்செயலாளர் பரமதாஸ், மன்னார் வலயக்கல்விப்பணிப்பாள் எம்.எம்.சியாம்,மதகுருக்கள்,மற்றும் மன்னாரில் பொலிஸ் சேவையில் இணைந்து உயிரிழந்த,உயிரிழக்காத வீரர்களின் உரவினர்கள் என பலரும் கலந்து கொண்டனர்.

-இதன் போது உயிர் நீத்த பொலிஸ் வீரர்களுக்கு அஞ்சலி செலுத்தப்பட்டதோடு மன்னாரைச் சேர்ந்த உயிரிழந்த,உயிரிழக்காக பொலிஸ் வீரர்களின் குடும்பங்களுக்கு அன்பளிப்பு பொருட்களும் வழங்கி வைக்கப்பட்டது.மன்னாரைச் சேர்ந்த 3 பொலிஸார் உயிரிழந்துள்ளமையும் குறிப்பிடத்தக்கது.

BOMBAY
JEWELLERY

கண் கவர் தங்க நகைகளை பெற்றுக்கொள்ள நாடவேண்டிய இடம்- பம்பாய் ஜீவலரி-
பெரிய கடை மன்னார்
தொடர்புகளுக்கு:-023-2250866

பிரான்ஸ் (T.R.T)வானொலி அனுசரனையில் 'கல்விக்கு கரம் கொடுப்போம்' எனும் நிகழ்ச்சி

2012-03-20T19:16:00.001-07:00

[21-03-2012]

பிரான்ஸ் (T.R.T)வானொலி அனுசரனையில் 'கல்விக்கு கரம் கொடுப்போம்' எனும் நிகழ்ச்சித்திட்டத்தின் கீழ் மன்னார் மாவட்டத்தில் மீள் குடியேற்றம் செய்யப்பட்ட கிராமத்தில் உள்ள தரம்-05 புலமை பிரிசில் பரிட்சைக்கு தோற்றவுள்ள மாணவர்களுக்கு புலமைப்பரிசில் வழிகாட்டி நூல் வளங்கி வைக்கப்பட்டது.

இதன் போது தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் செல்வம் அடைக்கலநாதன் மாந்தை மேற்கு பிரதேச சபை உறுப்பினரிடம் ஒரு தொகுதி நூலினை கையளிப்பதினை காணலாம்.

கௌரவ சந்திப்பு...

2012-03-19T18:01:00.000-07:00

[20-03-2012]

நான்கு நாள் உத்தியோகபூர்வ விஜயம் மேற்கொண்டு இலங்கை வந்துள்ள பாகிஸ்தானின் கூட்டுப் படைகளின் தலைவரான ஜெனரல் காலித் சமீம், ஜனாதிபதி மஹிந்த ராஜபக்ஷவை அலரி மாளிகையில் நேற்று சந்தித்தார். இச்சந்திப்பில் இலங்கைக்கான பாகிஸ்தான் உயர்ஸ்தானிகர், ஜனாதிபதியின் பிரத்தியேக செயலர் மற்றும் பாதுகாப்பு படைகளின் தளபதி ஏயார் மார்ஷல் ரொஷான் குணதிலக்க ஆகியோருடன் பாகிஸ்தான் உயர்ஸ்தானிகராலய படையதிகாரிகளும் கலந்து கொண்டனர்.

ராஜபக்ச குடும்பம் இலங்கையை தனிச் சிங்கள தேசிய நாடாகவே வைத்திருக்கவே விரும்புகின்றனர்! அல்ஜசீரா நேர்காணலில் பிரித்தானிய எழுத்தாளர் பில் றீஸ்..!

2012-03-19T09:19:00.001-07:00

ராஜபக்ச குடும்பம் இலங்கையை தனிச் சிங்கள தேசிய நாடாகவே வைத்திருக்கவே விரும்புகின்றனர்! அல்ஜசீரா நேர்காணலில் பிரித்தானிய எழுத்தாளர் பில் றீஸ்..!

www.mannarwin.com

சனல் 4 காணொளிக்கு பதிலளிக்கும் இலங்கையின் காணொளி தயார் (காணொளி)

2012-03-19T08:05:00.001-07:00

சனல் 4 காணொளிக்கு பதிலளிக்கும் இலங்கையின் காணொளி தயார் (காணொளி)

பிரித்தானியாவின் சனல் 4 தொலைக்காட்சி சேவை வெளியிட்ட இலங்கையின் கொலைக் களங்கள் - தண்டிக்கப்படாத போர்க் குற்றங்கள் எனும் காணொளிக்கு பதிலளிக்கும் வகையில் உத்தியோக பூர்வ காணொளி ஒன்றை இலங்கை வெளியிட்டுள்ளது.

இக்காணொளியினை பாதுகாப்பு மற்றும் நகர அபிவிருத்தி அமைச்சு வெளியிட்டுள்ளது.

"பயங்கரவாத நிழல்கள்: சேனல் 4 க்கு பதில்" என்ற தலைப்பில் வெளியிடப்பட்டுள்ள இந்த காணொளியில் இறுதிக் கட்ட போர் நடவடிக்கைகளின் போது நிகழ்ந்த இரண்டு முக்கிய சம்பவங்கள் சேர்க்கப்பட்டுள்ளதாக அரச தரப்பு செய்திகள் தெரிவிக்கின்றன.

அந்த ஆவணப்படத்தில் விடுதலைப் புலிகள் தங்கள் இயக்கத்திற்கு வலுக்கட்டாயமாக சிறுவர்களை சேர்த்துக் கொண்டமை பற்றியும் விளக்கியுள்ளதாக தெரிவிக்கப்பட்டுள்ளது.

சிவ ஸ்ரீ சபா மனோகரக் குருக்களின் மறைவு இன ஒற்றுமையை விரும்பிய மக்களுக்கும் பெரும் இழப்பாகும்: அமைச்சர் றிசாட்

2012-03-19T07:58:00.002-07:00

[19-03-2012]

(இர்ஷாத் றஹ்மத்துல்லா)

மதம் என்ற எல்லைகளை கடந்து மனித நேயம் கொண்ட ஒரு மத தலைவராக அமரர் சிவ ஸ்ரீ சபா மனோகரக் குருக்களின் பணிகள் அமைந்திருந்ததாக தெரிவித்துள்ள அகில இலங்கை மக்கள் காங்கிரஸின் தேசிய தலைவரும் கைத்தொழில் மற்றும் வணிகத் துறை அமைச்சருமான றிசாட் பதியுதீன் அவரது மறைவானது மன்னார் மாவட்ட இந்து மக்களுக்கு மட்டுமன்றி இன ஒற்றுமையை விரும்பிய அனைத்து மக்களுக்கும் பெரும் இழப்பாகும் என்றும் கூறியுள்ளார்.

ஜெனீவா சென்றுள்ள அமைச்சர் றிசாட் பதியுதீன் மன்னார் மாவட்ட இந்து மத பிரதம குருவின் மறைவு செய்தி கிடைத்ததும்இஇது குறித்த தமது ஆழ்ந்த கவலையினை தெரிவித்துள்ளார்.

கடந்த பல வருடங்களாக மிகவும் நேசத்துடன் மக்களுடன் பழகி, மக்களின் துன்ப துயரங்கள் அறிந்து இனங்களுக்கிடையில் நெருக்கத்தை தக்கவைத்துக் கொள்வதில் அமரர் சிவ சபா மனோகர குருக்கள் ஆற்றியுள்ள பணிகளை மன்னார் மாவட்ட மக்களுக்கு பெறுமதியானது என்பதை மறந்துவிட முடியாது என்பதையும் அமைச்சர் றிசாத் பதியுதீன் நினைவுபடுத்தியுள்ளார்.

எவ்வேளையிலும் எளிமையாகவும் இனங்களுக்கிடையில் புரிந்துணர்வையேற்படுத்துவதைனை செயலாக கொண்ட மதத் தலைவரொருவரின் மறைவு குறித்து தாம் ஆழ்ந்த கவலையடைவதாகவும்இஅவரது இழப்பால் ஆழ் துயரில் உள்ள மக்களுக்கு தமது கவலையினையும் அமைச்சர் றிசாத் பதியுதீன் தெரிவித்துள்ளார்.

மன்மோகன் சிங்கின் அறிவிப்புக்கு திமுக வரவேற்பு, உண்ணாவிரதம் ரத்து: கருணாநிதி

2012-03-19T07:58:00.001-07:00

[19-03-2012]

இலங்கை தொடர்பான அமெரிக்க பிரேரணைக்கு இந்தியா ஆதரவளிக்க உத்தேசித்துள்ளதாக இந்திய பிரதமர் மன்மோகன் சிங் அறிவித்துள்ளதை திமுக தலைவர் கருணாநிதி வரவேற்றுள்ளதுடன் எதிர்வரும் 22 ஆம் திகதி தான்மேற்கொள்ளவிருந்த உண்ணாவிரதத்தையும் கைவிடத் தீர்மானித்துள்ளார்.

நாளை செவ்வாய்க்கிழமை நடைபெறவிருந்த திமுக உயர்மட்டக் கூட்டத்தையும் மன்மோகன் சிங்கின் அறிவிப்பையடுத்து கருணாநிதி ரத்துச்செய்துள்ளார்.

அதேவேளை ஐக்கிய முற்போக்கு கூட்டணி அரசாங்கத்திற்கான தனது ஆதரவை விலக்கிக்கொள்ளப் போவதாக தான்ஒருபோதும் எச்சரிக்கவில்லை எனவும் கருணாநிதி இன்று கூறினார்.

அமெரிக்கா தீர்மானத்திற்கு இந்தியா ஆதரவளிக்காவிட்டால் ஐ.மு.கூட்டணி அரசாங்தக்திற்கு தனித்தனி விவகாரங்களின் அடிப்படையில் ஆதரவளிப்பது குறித்து தனது கட்சி ஆராய்ந்ததாக அவர் கூறினார்.

மன்னாரில் தலைதூக்கும் சமூக சீர்கேடுகள்

2012-03-18T20:03:00.004-07:00

(13-03-2012)

மீள் குடியேற்றம் செய்யப்பட்ட கிராமங்களில் உள்ள இள வயதடைய பெண்கள் பலர் படைத்தரப்புனருடன் மன்னாரில் உள்ள விடுதிகள் மற்றும் பொது இடங்களில் தனிமையாக வந்து விட்டு செல்வதாக சமூக ஆர்வலர்கள் விசனம் தெரிவிக்கின்றனர்.

மீள் குடியேற்றம் செய்யப்பட்ட மாந்தை மேற்கு உதவி அரசாங்க அதிபர் பிரிவுக்குற்பட்ட சில கிராமங்களைச் சேர்ந்த பெண்கலே இவ்வாறு வருவதாக தெரிய வருகின்றது.

பல இளம் பெண்கள் கையில் கொப்பி,புத்தகத்துடன் பஸ்ஸில் மன்னாருக்கு வருகின்றனர்.அவர்களுடனேயே சிங்களம் பேசும் இளைஞர்களும் வருகின்றனர்.

பின் மன்னார் நகரில் இரங்கி முட்சக்கர வண்டி மூலம் விடுதி அல்லது தனிமையான வீடுகளுக்கு இவர்கள் செல்வதாக தெரிவிக்கப்படுக்கிறது.

குறித்த செயற்பாடுகளில் ஈடுபடுபவர்கள் அதிகலவானோர் மீள் குடியேற்றக்கிராமங்களில் கடமையாற்றுகின்ற இராணுவத்தினர் மற்றும் பொலிஸார்,புலனாய்வுத்துரையினர் என தெரிய வந்துள்ளது.

குறித்த சிப்பாயிகள் சிவிலில் மன்னாருக்கு இளம் பெண்களை அழைத்து வருகின்றனர்.

பல பெண்கள் பாடசாலையில் கல்வி கற்பவர்கள் எனவும் தெரிய வந்துள்ளது.

தற்போது மன்னார் மாவட்டத்தில் கலாச்சாரம் தெண் பகுதி போன்று மாறி வருவதாக சமூக ஆர்வலர்கள் விசனம் தெரிவிக்கின்றனர்.

இளம் பெண்கள் தனிமையாக தூர இடங்களுக்குச் சென்று வருகின்றனர்.ஆனால் அப்படிப்பட்ட பெண்களின் பெற்றோர் தமது பிள்ளைகள் மீது அக்கரை இன்மையே அவர்கள் தவரான வழிக்குச் செல்ல காரணமாக உள்ளது.

கடந்த காலங்களில் மன்னாரில் உள்ள பல விடுதிகளில் கலாச்சார சீர்கேடுகளும்,விபச்சாரங்களும் மறைமுகமாக இடம் பெற்று வந்த நிலையில் குறித்த சம்பவங்கள் உரிய அதிகாரிகளின் கவனத்திற்கு கொண்டு செல்லப்பட்டதினைத் தொடர்ந்து பொலிஸார் தற்போது விடுதிகளை கண்கானித்து வருகின்றனர்.

எனினும் தற்போது குறித்த சமூக சீர்கேட்டுச் சம்பவங்களுடன் சில படைச்சிப்பயிகள் ஈடுபடுவதினால் சில விடுதி உரிமையாளர்கள் தமது விடுதியில் அரங்கேரும் இப்படிப்பட்ட சம்பவங்களை தமது பிழைப்பிற்காக கண்டும் காணதும் இருப்பதாக தெரிய வருகின்றது.

(மன்னார் வின் புலனாய்வுப்பிரிவு)

முல்லைத்தீவில் கடற்படையினர் மாடுமேய்த்தவர்கள்மீது கண்மூடித்தனமான தாக்குதல்-

2012-03-18T19:14:00.001-07:00

தமிழ்த் தேசியக் கூட்டமைப்பு கடும் கண்டனம்

[19-03-2012]

முல்லைத்தீவு மாவட்டம் கருநாட்டுக்கேணிக்கும் கொக்கிளாய்க்கும் இடையில் அமைந்துள்ள சிறுவில்வெட்டை என்னும் இடத்தில் நேற்று (18.03.2012) மாலை 5.30மணியளவில் மாடுமேய்த்த்துக் கொண்டிருந்த பொதுமக்கள் மீது கடற்படையினர் கிரிக்கெட் மட்டையைக் கொண்டு கண்மூடித்தனமாகத் தாக்கியுள்ளனர்.

இதனைத் தமிழ்த் தேசியக் கூட்டமைப்பு வன்மையாகக் கண்டிப்பதாக வன்னி மாவட்ட பாராளுமன்ற உறுப்பினர் சிவசக்தி ஆனந்தன் தெரிவித்துள்ளார்.

இது குறித்து அவர் மேலும் தெரிவித்ததாவது:-

முல்லைத்தீவு மாவட்டம் சிறுவில்வெட்டை கிராமத்தில் மாடுமேய்த்துக் கொண்டிருந்த பெதுமக்கள்மீது கடற்படையினர் கிரிக்கெட் மட்டையைக் கொண்டு மூர்க்கத்தனமாகத் தாக்கியுள்ளனர். தாக்குதலில் காயமடைந்த ஒரு சிறுவன் சத்தியெடுத்து கீழே விழுந்த பின்னரும் அவன்மீது கடற்படையைச் சேர்ந்த ஒருவர் சப்பாத்துக்காலால் உதைத்துள்ளார்.

இதனைப்போன்றே முதியவர் ஒருவர் அடிதாங்க முடியாமல் கீழே விழுந்ததுடன்இ கடற்படை சிப்பாயின் காலைப்பிடித்து அடிக்க வேண்டாம் என்று மன்றாடியபோதும் அவர்மீது வெறித்தாக்குதல் நடத்தப்பட்டுள்ளது. முதலில் நான்கு கடற்படையினர் தாக்குதலில் ஈடுபட்டதாகவும் பின்னர் மேலும் மூன்று கடற்படையினரும் ஆக ஏழு கடற்படையினர் ஒன்பது பொதுமக்கள்மீது தாக்குதல் நடத்தியுள்ளனர்.

அடிதாங்க முடியாமல் பொதுமக்கள் தமது மாடுகளை மீண்டும் பட்டிக்குள் அடைத்தபின்னரும் படையினர் பட்டிக்குள்ளும் வந்து அவர்களைக் கட்டிப்போட்டு மீண்டும் தாக்கியுள்ளனர்.

இது குறித்து அந்தப் பகுதியைச் சேர்ந்த பொதுமக்கள் எனக்குத் தகவல் தெரிவித்துள்ளனர். இந்த மாவட்டத்தைச் சேர்ந்த மக்கள் கடற்றொழில்இ விவசாயம் மற்றும் கால்நடை வளர்ப்பு என்பவற்றையே தமது ஜீவனோபாயத் தொழிலாக நடத்திவருகின்றனர் என்பது இங்குக் குறிப்பிடத்தக்கது.

ஏற்கனவே கொக்கிளாய்பகுதியில் மீன்பிடிப்பதற்கு கொக்கிளாயைச் சேர்ந்த மீள்குடியேறிய மக்களுக்கு அனுமதி மறுக்கப்பட்டுள்ளதால் அவர்களது வாழ்வாதாரம் பெரிதும் பாதிக்கப்பட்டுள்ளமையை நான் ஏற்கனவே சுட்டிக்காட்டியுள்ளேன்.

இந்நிலையில்இ நேற்று மாடுமேய்த்துக்கொண்டிருந்தவர்கள்மீது எதுவிதக் காரணமுமின்றித் தாக்குதல் நடத்தப்பட்டிருப்பது எமக்கு மிகுந்த மனவேதனையைத் தருகின்றது.

இச்செயலைச் செய்தவர்கள்மீது சம்பந்தப்பட்டவர்கள் உரிய நடவடிக்கை எடுக்க வேண்டும் என்று கேட்டுக்கொள்கின்றேன்.

இதற்கு முன்பும் இப்படியொரு சம்பவம் நடந்துள்ளமையை இங்கு சுட்டிக்காட்ட விரும்புகின்றேன்.

ஒருபுறம் நல்லிணக்கம் பேசிக்கொண்டு மறுபுறத்தில் தமிழ் மக்களின்மீது கண்மூடித்தனமான தாக்குதல் நடத்தப்படுவதை வன்மையாகக் கண்டிப்பதுடன் இனிமேலும் இப்படிப்பட்ட சம்பவங்கள் நடைபெறாமல் இருப்பதற்கு பாதுகாப்பு அமைச்சும் ஜனாதிபதியும் உத்தரவாதமளிக்க வேண்டும் என்றும் கேட்டுக்கொள்கின்றேன்.

இத்தகைய கண்மூடித்தனமான தாக்குதல்களால் இந்நாட்டில் ஒருபோதும் நல்லிணக்கமும் சமாதானமும் ஏற்படாது என்பதை ஆட்சியிலிருப்பவர்கள் உணர்ந்துகொள்ள வேண்டும்.

தொடர்ந்து மேற்கொள்ளப்படும் தாக்குதல்களால் மீள்குடியேறிய மக்கள் மிகவும் அச்சவுணர்வுடன் காணப்படுகின்றனர்.

தொடர்ந்து தமது காணிகளில் இருப்பதற்கே அவர்கள் அஞ்சுகின்றனர். எனவே அப்பாவித்தமிழ் மக்களின்மீதான தாக்குதலுடன் தொடர்புடையவர்கள் சட்டத்தின்முன் நிறுத்தப்படவேண்டும் என்பதே முல்லைத்தீவு மாவட்ட மக்களின் எதிர்பார்ப்பு மக்களின் இந்த குறைந்தபட்ச எதிர்பார்ப்பை நிறைவேற்ற அரசு விரைந்து நடவடிக்கை மேற்கொள்ள வேண்டும்.

இவ்வாறு அவரது அறிக்கையில் குறிப்பிடப்பட்டுள்ளது.

மன்னார் மாவட்ட இந்து மத பிரதம குரு சிவஸ்ரீ. சபா மனோகரக் குருக்கள் அவர்களின் மறைவு தமிழ் பேசும் மக்களுக்கு பெரும் பேரிழப்பு-

2012-03-17T08:09:00.002-07:00

டெலோ இயக்க மன்னார் மாவட்டபொருப்பாளர் பற்றிக் வினோ-

-தமிழ் பேசும் மக்களுக்கு ஒரு பக்க பலமாக இருந்து பல்வேறு அழுத்தங்களுக்கு மத்தியிலும் குரல் கொடுத்து வந்த மகத்தான மதத்தலைவனை இன்று இந்த வன்னி மண் இழந்துள்ளதாக தமிழீழ விடுதலை இயக்கம் டெலோ வின் மன்னார் மாவட்ட பொறுப்பளர் பற்றிக் வினோ தெரிவித்துள்ளார்.

இது தொடர்பில் தமிழீழ விடுதலை இயக்கம் டெலோ வின் மன்னார் மாவட்ட பணியகம் வெளியிட்டுள்ள இரங்கள் செய்தியில் மேலும் குறிப்பிடப்பட்டுள்ளதாவது,,,

மன்னார் மாவட்ட இந்து மத பிரதம குரு சிவஸ்ரீ. சபா மனோகரக் குருக்கள் அவர்களின் மரணம் எம் அணைவருக்கும் பெரும் பேரிழப்பாக உள்ளது.

-மக்களின் பிரச்சினைகள் தொடர்பில் எம்முடன் எந்த நேரத்திலும் தொடர்பை ஏற்படுத்தியவர்.

குறிப்பாக தமிழ் முஸ்ஸிம் மக்களின் ஒற்றுமையை நிலை நாட்ட பெரும் பாடு பட்டவர்.

தற்போது மன்னார் மாவட்டத்தில் இன ஒற்றுமையை நிலை நாட்ட பெரிதும் பாடு பட்ட மத்தலைவர்.

அன்னாரின் பிரிவால் துயருரும் குடும்பத்தினருக்கும்,உற்றார் உறவினர் கள் அனைவருக்கும் தமிழீழ விடுதலை இயக்கம் டெலோ வின் மன்னார் மாவட்ட பணியகம் சார்பில் எமது ஆழ்ந்த அனுதாபங்களை

தெரிவித்துக்கொள்ளுகின்றோம்.

மரண அறிவித்தல்-

2012-03-16T08:13:00.001-07:00

-மரண அறிவித்தல்-

-கலாநிதி.சிவசிறி.சபா.மனோகரக்குருக்கள்.

சிரித்த முகத்துடன் சிறு புன்னகையுடன் எம்மை வரவேற்பீர் ஐயா!

உம் முகத்தை கண்டதும் எங்கள் துன்ப துயரங்கள் பறந்துவிடும் ஐயா!

உங்களின் அளவற்ற அன்பு எங்களை மெய் சிலிர்க்க வைத்ததையா!

உம் பிரிவால் எம் இதயத்துடிப்பு குறைந்தது ஐயா.

எம் மண்ணில் பல அளவற்றசேவைகளை செய்தீர் ஐயா!

உங்களின் சேவைக்கு இங்கே நிகரே இல்லை ஐயா!

உங்கள் பிரிவால் எங்களின் மனம் தளர்ந்தது ஐயா!

உங்களின் முகத்தில் தெய்வ காட்சி கண்டோம் ஐயா!

அத்தெய்வம் இன்று உங்களை அழைத்துவிட்டது ஐயா!

உங்களின் பிரிவு எம் மண்ணிற்கு பேரிழப்பு ஐயா.

என்னை நீங்கள் ஆயிரம் தடைவை தம்பி என்று அன்புடன் அழைப்பீர் ஐயா!

உங்களின் பிரிவால் மனம் தளர்ந்து இருக்கும் அன்புத்தம்பி!

சபா.ஸ்ரீகாந் சர்மா.

ஆலடி விநாயகர் தேவஸ்தானம்;.

மன்னார்.

இராணுவ தளபதி லெப்டினன் ஜெனரல் ஜகத் ஜயசூரிய இன்று வன்னி விஜயம்-

2012-03-16T08:10:00.002-07:00

இராணுவ தளபதி லெப்டினன் ஜெனரல் ஜகத் ஜயசூரிய இன்று வன்னி விஜயம்- [16-03-2012]

முல்லைத்தீவு, துணுக்காய் பிரதேசத்தில் மீளக் குடியேறிய பொதுமக்களுக்காக இராணுவத்தினரால் வழங்கப்படும் உதவித் திட்டங்கள் குறித்து மேற்பார்வை செய்வதற்காக இராணுவ தளபதி லெப்டினன் ஜெனரல் ஜகத் ஜயசூரிய இன்று வெள்ளிக்கிழமை விஜயம் செய்தார்.

தற்போதைய இராணுவ தளபதி, இறுதி யுத்த காலத்தில் வன்னிக்கான கட்டளைத் தளபதியாக சேவையாற்றியமை குறிப்பிடத்தக்கது.

மரண அறிவித்தல்

2012-03-16T02:52:00.000-07:00

-மரண அறிவித்தல்-

-கலாநிதி.சிவசிறி.சபா.மனோகரக்குருக்கள்.

-யாழ்ப்பாணம் கரவெட்டியை பிறப்பிடமாகவும்,

மன்னாரை வசிப்பிடமாகவும் கொண்ட சபாரட்ணம் மனோகரக்குருக்கள்

14-03-2012 புதன் கிழமை சிவபாதம் அடைந்தார் என்பதனை உற்றார்,உறவினர்,நண்பர்களுக்கு ஆழ்ந்த துயரத்துடன் அறியத்தருகின்றோம்.

இருதிக்கிரிகை தொடர்பானவை பின்னார் அறிவிக்கப்படும்.

(தகவல்:-ஐங்கரசர்மா(மகன்)

(உப்புக்குளம் மன்னார்-023-2222065)

இலங்கையின் கொலைக்களங்கள்! 2ம் பாகம் - "தண்டிக்கப்படாத போர்க்குற்றங்கள்" காணொளி [15-03-2012 ]

2012-03-14T19:38:00.000-07:00

இலங்கையின் கொலைக்களங்கள்! 2ம் பாகம் - "தண்டிக்கப்படாத போர்க்குற்றங்கள்" காணொளி

[15-03-2012 ]

பிரிட்டனில் உள்ள சனல் 4 தொலைக்காட்சி நிறுவனம் இலங்கையின் கொலைக்களங்கள் என்னும் ஆவணப்படத்தின் 2ம் பாகமாகிய "தண்டிக்கப்படாத போர்க்குற்றங்கள்" என்னும் காணொளியை வெளியிட்டுள்ளது.

இத் தண்டிக்கப்படாத போர்க்குற்றங்கள் என்னும் காணொளி ஒரு மணித்தியால திரைப்படமாக தொகுக்கப்பட்டுள்ளது.

மன்னார் மாவட்ட இந்து ஆலயங்களின் பிரதம குரு கலாநிதி.சிவஸ்ரீ.சபா.மனோகரக்குருக்கள் நேற்று இரவு லண்டனில் காலமாணர்.

2012-03-14T18:35:00.001-07:00

மன்னார் மாவட்ட இந்து ஆலயங்களின் பிரதம குரு கலாநிதி.சிவஸ்ரீ.சபா.மனோகரக்குருக்கள் நேற்று இரவு லண்டனில் காலமாணர்.

(15-03-2012)

தனது புதல்வரின் பட்டமளிப்பு விழாவில் கலந்து கொள்ளுவதற்காக கடந்த 15 தினங்களுக்கு முன் தனது மனைவியுடன் லண்டனுக்குச் சென்ற கலாநிதி.சிவஸ்ரீ.சபா.மனோகரக்குருக்கள் தனது 60 ஆவது வயதில் நேற்று புதன் கிழமை இரவு 9.30 மணியளவில் மாரடைப்பால் உயிரிழந்துள்ளார்.

மன்னாரில் இருந்து கல்வாரிக்காண பாத யாத்திரை

2012-03-13T17:42:00.003-07:00

மன்னாரில் இருந்து கல்வாரிக்காண பாத யாத்திரை

(14-03-2012)

கிறிஸ்தவர்களினால் தற்போது தவக்காலம் அனுஸ்ரிக்கப்பட்டு வரும் நிலையில் மன்னார் புனித செபஸ்ரியார் தேவாலயத்தில் இருந்து வவுனியா கல்வாரிக்காண பாத யாத்திரையை இன்று புதன் கிழமை காலை 5 மணியளவில் ஆரம்பித்துள்ளனர்.

-மன்னார் மறைமாவட்ட குரு முதல்வர் அன்றனி விக்டர் சோசை உற்பட அருட்தந்தையர்கள் தலைமையில் பல ஆயிரக்கணக்கான பக்தர்கள் இன்று காலை கல்வாரிக்கான பாத யாத்திரையினை ஆரம்பித்துள்ளனர்.

இவர்கள் இன்று இரவு மடு தேவாலயத்தில் தங்கி விட்டு நாளை காலை வவுனியா நோக்கி செல்லவுள்ளனர்.

அமெரிக்க பிரேரணை இனப்பகைமையை தூண்டுவதற்கான சதி

2012-03-13T16:02:00.000-07:00

அமெரிக்க பிரேரணை இனப்பகைமையை தூண்டுவதற்கான சதி

[14-03-2012]

ஜெனீவா மனித உரிமைகள் பேரவையில் இலங்கைக்கு எதிராக அமெரிக்கா முன்வைத்திருக்கும் பிரேரணை தொடர்பில் இலங்கையில் பாரிய மாயையொன்று தோற்றுவிக்கப்பட்டிருப்பதாக கைத்தொழில் மற்றும் வர்த்தக விவகார அமைச்சர் ரிசாட் பதியுதீன் தெரிவித்தார்.

அமெரிக்காவின் பிரேரணையானது தமிழர்களுக்குத் தனிநாட் டைக் கொடுப்பதைப் போன்றும், சிங்களவர்களைப் பழிவாங்குவ தைப் போன்றதென்றும் மாயையொன்று தோற்றுவிக்கப்பட்டிருப் பதாக அமைச்சர் குறிப்பிட்டார்.

கொழும்பிலுள்ள அமைச்சு அலுவலகத்தில் நேற்று நடைபெற்ற ஊடகவியலாளர் மாநாட்டில் கருத்துத் தெரிவிக்கும்போதே அமைச்சர் இவ்வாறு கூறினார். அங்கு தொடர்ந்தும் உரையாற்றிய அமைச்சர், இந்த விடயத்தைக் கொண்டு இனங்களுக் கிடையில் மீண்டும் முரண்பாட்டைத் தோற்றுவிக்கும் நோக்கில் மாயையொன்று உருவாக்கப்பட்டுள்ளது.

இந்தப் பிரேரணை தமிழர்களுக்கு ஆதரவானதென்றும், சிங்கள இனத்தவர்களுக்கு எதிரானதென்றும் பாரிய மாயை மக்கள் மத்தியில் ஏற்படுத்தப்பட்டுள்ளது. ஆனால் உண்மையில் அவ்வாறானதொரு நிலைமை இல்லை. இவை வெறும் மாயைத் தோற்றங்களே.

நாட்டில் நல்லிணக்கத்தை ஏற்படுத்த பல திட்டங்கள் முன்னெடுக்கப்பட்டிருக்கும் நிலையில் இவ்வாறான மாயைகள் மூலம் இனங்களுக்கிடையில் முரண்பாட்டை ஏற்படுத்த முயற்சிக்கப்படுகிறது. இந்த நிலையில், நாம் அனைவரும் இனவேறுபாடுகளை மறந்து இலங்கையர்கள் என்ற நிலையில் ஒன்றுபட வேண்டும்.

வெளிநாடொன்று இலங்கையின் உள்விவகாரத்தில் மூக்கை நுழைக்க இடமளிக்க முடியாது என்ற நிலைப்பாட்டில் அனைத்து இனங்களும் ஒற்றுமையுடன் செயற்படவேண்டும். இதன்மூலம் இவ்வாறான நடவடிக் கைகளை முறியடிக்க முடியும் என்றும் அமைச்சர் குறிப்பிட்டார்.

ஈராக், ஆப்கானிஸ்தான், லிபியா, எகிப்து உள்ளிட்ட பல முஸ்லிம் நாடுகளில் பலவந்தமாக உள்நுழைந்த அமெரிக்கா ஆயிரக்கணக்கான முஸ்லிம்களைக் கொன்றுள்ளது. தற்பொழுது இலங்கையிலும் கைவைப்பதற்கு முயற்சிக்கிறது. இதற்கு நாம் ஒருபோது அனுமதிக்கக் கூடாது என்றும் அமைச்சர் மேலும் தெரிவித்தார்.

ஜெனீவாவில் நடைபெறும் மனித உரிமைகள் பேரவை மாநாட்டில் கலந்துகொள்வதற்காக தான் மீண்டும் ஜெனீவா செல்லவிருப்பதாகக் குறிப்பிட்ட அமைச்சர், கட்டார் சென்று ஜனாதிபதி மஹிந்த ராஜபக்ஷ அவர்களின் விசேட செய்தியொன்றை அந்நாட்டுத் தலைவர்களிடம் கையளிக்கவிருப்பதாகவும் கூறினார். இந்த ஊடகவியலாளர் மாநாட்டில் வன்னி மாவட்டப் பாராளுமன்ற உறுப்பினர் ஹுனைஸ் பாருக் மற்றும் அகில இலங்கை மக்கள் காங்கிரஸ் கட்சியின் முக்கியஸ்தர்களும் கலந்துகொண்டிருந்தனர்.

மன்னார் ஆயருக்கு மிரட்டல்

2012-03-13T15:58:00.001-07:00

மன்னார் ஆயருக்கு மிரட்டல்

[14-03-2012]

இலங்கைச் சூழல் குறித்து ஐ நா மனித உரிமைப் பேரவைக்கு கடிதம் எழுதிய மன்னார் ஆயர் ராயப்பு ஜோசப், ஊடகங்கள் மற்றும் இலங்கை அரசில் அங்கம் வகிக்கும் ஜாதிக ஹெல உறுமைய போன்ற கட்சிகளின் அச்சுறுத்தலுக்கு ஆளாவது குறித்து தாம் கவலையடைவதாக கத்தோலிக்க குருமார்கள், அங்கிலிகன் குருமார்கள் உள்ளிட்ட அறுபதுக்கும் மேற்பட்டோர் ஐ நாவுக்கு முறைப்பாடு செய்துள்ளனர்.

இலங்கை சூழல் குறித்து மன்னார் ஆயர் மற்றும் வடக்கில் உள்ள 30 கத்தோலிக்க குருமார்கள் சில நாட்களுக்கு முன்பு கடிதம் எழுதினர். இதையடுத்து அவர்கள் மிரட்டப்பட்டதாக நாட்டின் வடக்கு மற்றும் தெற்கில் உள்ள கிறிஸ்தவ குருமார்களும், பொதுமக்களும் ஐ நா விடம் தற்போது தெரிவித்துள்ளனர்.

வட பகுதியில் இருக்கும் கத்தோலிக்க குருக்கள் மக்களின் கருத்தை பிரதிபலிக்கும் நோக்கிலேயே ஐ நாவுக்கு கடிதத்தை தாம் எழுதியதாக அருட்தந்தை டொமினிக் தெரிவித்தார்.

அந்தக் கடிதம் இலங்கையின் ஒருமைப்பாட்டுக்கு எதிரானது என்று தவறாக பொருள் கொள்ளப்பட்டதாகவும் அதனால் சில மிரட்டல்கள் வந்துள்ளதாகவும் அவர் தெரிவித்தார்.

ஆனால் மன்னார் ஆயர் மிரட்டப்பட்டதாக தமக்கு ஏதும் புகார்கள் வரவில்லை என்று கொழும்பு மறைமாவட்டத்தின் சார்பில் பேசவல்லவர் தெரிவித்தார்.

சமகால அரசியல் தொடர்பான கருத்துக்களம்-மூத்த ஊடகவியலாளர் இதயச்சந்திரன்

2012-03-13T15:50:00.000-07:00

சமகால அரசியல் தொடர்பான கருத்துக்களம்-மூத்த ஊடகவியலாளர் இதயச்சந்திரன்

[14-03-2012]

மூத்த ஊடகவியலாளர் இதயச்சந்திரன் அவர்களுடன் சமகால அரசியல் நிலவரங்கள் தொடர்பான கருத்துக்களம்.-

பாலச்சந்திரன் படுகொலை: வீடியோ ஆதரங்கள் வெளியானது !

2012-03-13T15:44:00.003-07:00

சர்ச்சைக்கு உள்ளாகும் சனல் 4 தொலைக்காட்சியின் ஆவணப்படம் !

பாலச்சந்திரன் படுகொலை: வீடியோ ஆதரங்கள் வெளியானது !

14-03-2012 by admin

தேசிய தலைவர் பிரபாகரனின் கடைசி மகனை இலங்கை இராண்வம் கொலைசெய்யும் வீடியோ தற்போது வெளியாகியுள்ளது. சனல் 4 தொலைக்காட்ச்சி இன்று வெளியிட உள்ள நிலையில், இது வெளியாகியுள்ளமை குறிப்பிடத்தக்கது.

5 மெய்பாதுகாப்பாளர்களோடு சரணடைந்த பாலச்சந்திரனை இராணுவம் ஈவிரக்கம் இன்றி நெஞ்சில் 5 முறை சுட்டுள்ளது. இரத்தத்தை உறையவைக்கும் இக் காட்சிகளை சனல் 4 தொலைக்காட்ச்சி இன்று புதன்கிழமை வெளியிடவுள்ளது குறிப்பிடத்தக்க விடையமாகும்.

பிரித்தானியா மற்றும் ஐரோப்பா தவிர்ந்த ஏனைய நாடுகளில் இந்தக் காணொளியைக் காணமுடியாத நிலை உள்ளது. காரணம் சனல் 4 தொலைக்காட்ச்சியின் இணையம் அவ்வாறு வடிவமைக்கப்பட்டுள்ளது.எனவே MANNAR WIN இணையமானது இக் காணொளியை தனது வாசகர்களுக்காக இணையத்தில் பிரசுரிக்கிறது.

செய்தியை வாசித்தோர்: 71028

வாகனம் மின்கம்பத்துடன் மோதியதால் யாழ்-மானிப்பாய் போக்குவரத்து முற்றாகத் தடை

2012-03-13T15:29:00.002-07:00

வாகனம் மின்கம்பத்துடன் மோதியதால் யாழ்-மானிப்பாய் போக்குவரத்து முற்றாகத் தடை

[14-03-2012]

யாழ்ப்பாணம் ஓட்டுமடச்சந்தியில் பதினாறு சில்லுவாகனம், மின்கம்பத்துடன் மோதி பாரிய விபத்துகுள்ளானதால், யாழ்ப்பாணம் - மானிப்பாய் வீதிப் போக்குவரத்து முற்றாகத்தடை ஏற்பட்டுள்ளதாக தெரிவிக்கப்பட்டுள்ளது.

இச்சம்பவம் இன்று[13-03-2012] மாலை 4.45 மணியளவில் இடம்பெற்றுள்ளது.

இது தொடர்பில் மேலும் தெரியவருவதாவது,

மானிப்பாயிலிருந்து யாழ்ப்பாணம் நோக்கி வந்து கொண்டிருந்த இப்பாரிய வாகனம் சந்தியில் திரும்ப முற்பட்ட போது அங்கிருந்த உயர் மின்னழுத்த கம்பத்தை முட்டித்தள்ளியது.

இதன்போது மின்கம்பிகள் அறுந்து விழ்ந்துள்ளன. இச்சம்பவத்தில் எவ்வித உயிர் ஆபத்துக்களும் ஏற்படவில்லை. எனினும், இரண்டு மோட்டார் சைக்கிள்கள் சேதமடைந்துள்ளதாக தெரிவிக்கப்பட்டுள்ளது.

இதன் காரணமாக யாழ்ப்பாணத்திலிருந்து மானிப்பாய் வழியான வீதி போக்குவரத்து முற்றாகத் தடைப்பட்டுள்ளதோடு யாழ்.நகரிற்காக மின்சாரமும் துண்டிக்கப்பட்டுள்ளதாக தெரிவிக்கப்பட்டுள்ளது.

இலங்கை அரசுக்கு எதிரான பிரேரணையை இந்தியா ஒருபோதும் ஆதரிக்காது- பிரணாப் முகர்ஜி!

2012-03-13T07:51:00.001-07:00

[13-03-2012]

ஜெனீவாவில் நடைபெறும் ஐ.நா. மனித உரிமைகள் பேரரவைக் கூட்டத்தில் இலங்கை அரசுக்கு எதிராக அமெரிக்கா கொண்டுவந்துள்ள போர்க்குற்றம் தொடர்பான தீர்மானத்தை இந்தியா ஒருபோதும் ஆதரிக்காது என்பது கிட்டத்தட்ட உறுதியாகி விட்டது. இதை இன்று மத்திய நிதியமைச்சர் பிரணாப் முகர்ஜியே மறைமுகமாக உறுதிபடத் தெரிவித்து விட்டார்.

ஒட்டுமொத்த தமிழக அரசியல் கட்சித் தலைவர்களின் கோரிக்கைகளும் இதன் மூலம் தூக்கி குப்பைக் கூடையில் வீசப்பட்டுள்ளன.

இன்று மக்களவை கூடியதும் தமிழக எம்.பிக்கள் எழுந்து இலங்கைக்கு எதிரான தீர்மானத்தை இந்தியா ஆதரிக்க வேண்டும் என்று கோரி முழக்கமிட்டனர். அப்போது நிதியமைச்சர் பிரணாப் முகர்ஜி எழுந்து,

ஐக்கிய நாடுகள் சபையில் பொதுவாக எந்த ஒருநாட்டுக்கும் எதிரான தீர்மானத்தையும் இந்திய அரசு ஆதரிப்பதில்லை.

இலங்கைக்கு எதிராக ஜெனீவாவில் கொண்டுவரப்படும் தீர்மானத்தை ஆதரிக்க வேண்டும் என்று தமிழக முதலமைச்சர் ஜெயலலிதா கடிதம் அனுப்பியிருந்தார். இது தொடர்பாக அவருக்கு பதில் கடிதம் அனுப்பப்பட்டுள்ளது.

உறுப்பினர்கள் இதற்கு மேலும் வலியுறுத்தினால் இவ்விவகாரம் தொடர்பாக வெளியுறவுத் துறை அமைச்சரும் விளக்கம் அளிப்பார் என்றார்.

ஆனால் பிரணாப் முகர்ஜியின் இந்த விளக்கத்தை தமிழக எம்பிக்கள் நிராகரித்து கண்டன முழக்கங்களை எழுப்பினர். இருப்பினும் அவை நடவடிக்கையை லோக்சபா சபாநாயகர் நிறுத்தவில்லை. தொடர்ந்து மேற்கொண்டார்.

பிரணாபின் இந்த விளக்கம், இந்தியாவின் நிலை என்ன, மன்மோகன் சிங் மனதில் என்ன ஓடிக் கொண்டிருக்கிறது என்பதை வெளிச்சம் போட்டுக் காட்டி விட்டது. நிச்சயமாக இலங்கைக்கு எதிரான நிலையை இந்தியா எடுக்காது என்பது அம்பலமாகி விட்டது.

முதல்வர் ஜெயலலிதாவும், திமுக தலைவர் கருணாநிதி உள்ளிட்ட தலைவர்களும் அடுத்து என்ன செய்யப் போகிறார்கள் என்பது பெரும் எதிர்பார்ப்புக்குரியதாக மாறியுள்ளது.

இவ்வளவு அமளிக்கு மத்தியிலும் வழக்கம் போல வாயை மூடிக் கொண்டு அமைதி பொங்கும் முகத்துடன் பிரதமர் வீற்றிருப்பது வியப்பாகவே உள்ளது.[tamilwin]

BOMBAY
JEWELLERY

அமைச்சர் ஹக்கீம் ஜெனீவா பயணம்

2012-03-13T07:44:00.002-07:00

[13-03-2012]

ஐக்கிய நாடுகள் மனித உரிமை பேரவையின் 19ஆவது கூட்டத் தொடரின் இறுதி அமர்வில் கலந்துகொள்வதற்காக ஸ்ரீலங்கா முஸ்லிம் காங்கிரஸ் தலைவரும் நீதி அமைச்சருமான ரவூப் ஹக்கீம் இன்று செவ்வாய்க்கிழமை இலங்கையிலிருந்து புறப்பட்டுள்ளார்.

சுவிட்ஸர்லாந்தின், ஜெனீவா நகருக்கு செல்வதற்கு முன்னர் அமைச்சர் ஹக்கீம் குவைத்திற்கு விஜயம் மேற்கொள்ளவுள்ளார். குவைத்தில் இரு நாட்கள் தங்கியிருக்கும் நீதி அமைச்சர் அந்நாட்டு அரச முக்கியஸ்தர்களை சந்தித்து பேச்சு நடத்தவுள்ளார்.

இதன்போது, ஐக்கிய நாடுகள் மனித உரிமை பேரவையில் இலங்கைக்கு ஏதிராக முன்வைக்கப்பட்டுள்ள பிரேரணைக்கு அவர் ஆதரவு கோரவுள்ளார்.

இதனை தொடர்ந்து, குவைத்திலிருந்து ஜெனீவா செல்லும் நீதி அமைச்சர் இலங்கை குழுவினருடன் இணைந்து ஐக்கிய நாடுகள் மனித உரிமை பேரவையின் 19ஆவது கூட்டத் தொடரில் கலந்துகொள்ளவுள்ளார்.

மன்னாரில் கோல்டன் றெஸ்ற்

GOLDEN REST

குளிரூட்டப்பட்ட,குளிரூட்டப்படாத அறைகள்,

மண்டபம்,வாகனத்தரிப்பிடம்,உணவு வசதிகள்-

தொடர்புகளுக்கு:GOLDEN REST,

Eluthoor Roda,

Eluthoor,

Mannar.

call:-A.MARIYATHASAN

023-222 3496, 071- 140 7779

mannar win advertising:-077-6430657,071-6251235

அங்கவீனமுற்ற இசைக்களைஞருக்கு இசைக்கருவி தொகுதி வழங்கி வைப்பு

2012-03-13T07:40:00.001-07:00

அங்கவீனமுற்ற இசைக்களைஞருக்கு இசைக்கருவி தொகுதி வழங்கி வைப்பு

[13-03-2012]

தமிழீழ விடுதலை இயக்கம் டெலோ அமைப்பின் பிரித்தானிய கிளை உறுப்பினர் சுப்பிரமணியம் ரூபன் அவர்கள் வழங்கிய 1 இலட்சம் ரூபாய் நிதியில் கொள்வனவு செய்யப்பட்ட இசைக்கருவி தொகுதியினை வன்னி யுத்தத்தில் இரண்டு கால்களையும் இழந்த இசைக்களைஞன் நகுலேந்திரன் நிமால் என்பவருக்கு தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் எஸ்.வினோ நோகராதலிங்கம் மற்றும் கூட்டமைப்பின் முக்கியஸ்தர் ரவீச்சந்திரன் ஆகியோர் வழங்கி வைப்பதினை படத்தில் காணலாம்.[tm]

கொல்லப்பட்டு விட்டார் பிரபாகரன்! உறுதிப்படுத்துகின்றது சனல் 4

2012-03-12T07:32:00.002-07:00

கொல்லப்பட்டு விட்டார் பிரபாகரன்! உறுதிப்படுத்துகின்றது சனல் 4

தமிழீழ விடுதலைப் புலிகள் இயக்கத்தின் தலைவர் வேலுப்பிள்ளை பிரபாகரன் இலங்கை அரச படையினரால் படுகொலை செய்யப்பட்டு உள்ளார் என்பதை உறுதிப்படுத்தி உள்ளது பிரித்தானியாவின் சனல் 4 தொலைக்காட்சி.

இலங்கை அரச படையினரால் தமிழீழ விடுதலைப் புலிகள் இயக்கத்துக்கு எதிரான இறுதி யுத்தத்தில் போர்க் குற்றங்கள் மேற்கொள்ளப்பட்டன என்பதற்கு ஆதாரமாக சனல் 4 புதிய வீடியோ ஒன்றை உருவாக்கி உள்ளது.

இதன் பெயர் இலங்கையின் கொலைக்களம் – தண்டனைக்கு உட்படுத்தப்படாத போர்க் குற்றங்கள் என்பது. 60 நிமிட வீடியோ ஆவணம். இங்கிலாந்து கிறிக்கெற் அணி இலங்கைக்கு சுற்றுலா மேற்கொண்டு வருவதற்கு முதல் நாள் திரையிடப்பட உள்ளது.

தமிழீழ விடுதலைப் புலிகள் இயக்கத்தின் தலைவர் வேலுப்பிள்ளை பிரபாகரனின் புதல்வர் பாலச்சந்திரன், சிவிலியன்கள் உட்பட ஏராளமானோர் அரச படையினரால் படுகொலை செய்யப்பட்டு இருக்கின்றனர் என்பதற்கு முன்பு வெளிவந்து இராத வீடியோ ஆதாரங்கள் இப்படத்தில் காண்பிக்கப்படுகின்றன.

இலங்கை அரசுக்கு எதிரான போர்க் குற்றச்சாட்டுகளுக்கு வலுவான ஆதாரமாக இப்புதிய வீடியோ அமையும் என்று நம்ப்ப்படுகின்றது.

யுத்தத்தின் இறுதி நாட்களில் இடம்பெற்ற கொடூரங்களை முன்னெப்பொழுதும் இருந்திராத வகையில் இது வெளிப்படுத்துகின்றது.

ஐக்கிய நாடுகள் சபையின் மனித உரிமைகள் பேரவையில் போர்க் குற்றச்சாட்டுக்கள் சம்பந்தமாக இலங்கைக்கு எதிரான தீர்மானம் ஒன்று அமெரிக்காவால் முன்னெடுக்கப்பட்டு வருகின்ற நிலையில் இவ்வீடியோ வந்திருக்கின்றது.

ஜனாதிபதி மஹிந்த ராஜபக்ஸ, பாதுகாப்புச் செயலாளர் கோட்டாபய ராஜபக்ஸ ஆகியோர் பாரதூரமானவையும், சர்வதேச மனித உரிமைகள் சட்டங்களுக்கு முரணானவையுமான போர்க் குற்றச்சாட்டுகள் சம்பந்தமாக உரிய நடவடிக்கைகள் எடுக்கத் தவறுகின்றனர் என்கிற குற்றச்சாட்டு மேலோங்கி ஒலிக்கின்ற நிலையில் வீடியோவின் வரவு உள்ளது.

வீடியோவின் இயக்குனர் ஜோன் ஸினோ.

இலங்கை அரச படையினரால் போர்க் குற்றங்கள், மனிதாபிமானத்துக்கு எதிரான குற்றங்கள் புரியப்பட்டு இருக்கின்றன என்பதை தடவியல் புலனாய்வு விசாரணைகள் மூலம் உறுதிப்படுத்தி ஆதாரங்கள் வெளியிட்டு உள்ளனர் என்கிறார் ஸினோ.

அரச படையினரால் மேற்கொள்ளப்பட்டு இருக்கின்ற படுகொலைகளுக்கு ஜனாதிபதி, பாதுகாப்பு செயலாளர் ஆகியோரே பொறுப்பேற்க வேண்டும், ஏனெனில் போரில் ஈடுபட்ட தளபதிகளுக்கு கட்டளை இடுகின்ற உயரிய நிலையில் இவர்கள் இருந்திருக்கின்றார்கள் என்று சொல்கின்றார் ஸினோ.

ஆதாரங்களை வெளியிட வேண்டியமை ஊடகவியலாளர்களின் கடமை, முறையான புலனாய்வு விசாரணைகளை ஆரம்பிக்க வேண்டியதும், பாதிக்கப்பட்டவர்களுக்கு நீதியை பெற்றுக் கொடுப்பதும் ஐ.நா, சர்வதேச சமூகம் ஆகியவற்றுக்கு உரியது என்கிறார்.

யுத்தத்தின் இறுதி நாட்களில் என்ன நடந்தது?, படுகொலைகளுக்கு பொறுப்பு கூற வேண்டியவர்கள் யார்? என்பதை அக்காலப் பகுதிக்கு உரித்தான ஆவணங்கள், கண்கண்ட சாட்சிகள், புகைப்படங்கள், வீடியோ காட்சிகள் ஆகியன மூலம் ஆராய்ந்து இருக்கின்றார்.

ஐக்கிய நாடுகள் சபையின் புள்ளிவிபரங்களின்படி 40,000 பொதுமக்கள் கொல்லப்பட்டு இருக்கின்றனர்.

வீடியோவில் காண்பிக்கப்படுகின்ற மிகப் பயங்கரமான காட்சிகளில் ஒன்றாக பாலச்சந்திரன் பிரபாகரனின் உடல் வேட்டுக்களால் சல்லடைப் போடப்பட்டிருக்கின்றமையை கூற முடிகின்றது.

பாலச்சந்திரன் ஐந்து தடவைகள் சுடப்பட்டு இருக்கின்றார், போர்க் கடமையின்போது இறந்து இருக்கவில்லை என்று Dundee பல்கலைக்கழகத்தைச் சேர்ந்த தடவியல் ஆய்வு நிபுணர் பேராசிரியர் Derrick Pounder புகைப்பட ஆதாரத்தை வைத்து உறுதிப்படுத்தி இருக்கின்றார்.

இரண்டு அல்லது மூன்று அடி தூரத்துக்கு உள்ளாக இருந்துதான் பாலச்சந்திரனின் நெஞ்சு மீது சூடுகள் நடத்தப்பட்டு இருக்கின்றன, எதிரில் நீட்டப்பட்டு இருந்த துப்பாக்கியை கைகளால் பாலச்சந்திரன் தொட்டு இருந்திருக்கின்றார், காயப்பட்டமையுடன் பின்னோக்கி விழுந்து இருக்கின்றார். அதன் பின்புதான் இரு குண்டுகள் துளைத்து இருக்கின்றன என்று தெரிகிறது என இப்பேராசிரியர் கூறுகின்றார்.

துப்பாக்கிதாரி முன்னால் நின்று சுட்டு இருக்கின்றான், பாலச்சந்திரன் முதலாவது சூட்டை அடுத்து நிலத்தில் விழுந்து விட்டார், எனவே படுகொலை இடம்பெற்று இருக்கின்றமையில் சந்தேகம் இல்லை என்கிறார் பேராசிரியர்.

தமிழீழ விடுதலைப் புலிகள் இயக்கத்தின் தலைவர் வேலுப்பிள்ளை பிரபாகரன் தலையில் காயப்பட்டு இறந்து இருக்கின்றமையை காட்டுகின்றன உத்தியோகபூர்வமற்ற முறையில் சனல் 4 இற்கு கிடைக்கப் பெற்று இருக்கின்ற போட்டோக்கள்.

இவரது உடல் முதலில் தொலைக்காட்சியில் காண்பிக்கப்பட்டபோது தலைப் பகுதி துணியால் மறைக்கப்பட்டு இருந்தது. முதலில் உடுப்புடனும், பின் ஆடைகள் களையப்பட்டும், பின் சேறு பூசப்பட்டும் பிரபாகரனின் உடல் படங்களில் உள்ளது.

பிரபாகரன் படுகொலை செய்யப்பட்டு இருக்கின்றார் என்றே பேராசிரியர் இப்புகைப்பட ஆதாரங்களை வைத்து நம்புகின்றார்.

அதி விசை கொண்ட துப்பாக்கி ஒன்றால் பிரபாகரனின் தலையில் சுடப்பட்டு இருக்கின்றது, சிறி
தமிழ் கைதிகளின் கைகளை கட்டுதல், ஆடைகளை களைதல், தலையின் பின்பகுதியில் சுடுத

அதி விசை கொண்ட துப்பாக்கி ஒன்றால் பிரபாகரனின் தலையில் சுடப்பட்டு இருக்கின்றது, சிறிய துப்பாக்கி ஒன்றால் களமுனைப் போரில் தலையில் சூடு பட்டு காயம் ஏற்படுதல் என்பது மிக மிக அபூர்வமாக இடம்பெற கூடியது, அசைய முடியாது இருந்த நிலையில் சூடு பட்டு இருக்கின்றார் என்கிற முடிவுக்கு வர முடிகின்றது என்கிறார் பேராசிரியர்.

தமிழ் கைதிகளின் கைகளை கட்டுதல், ஆடைகளை களைதல், தலையின் பின்பகுதியில் சுடுதல் ஆகியன படுகொலை செய்கின்றமைக்கு முன் படையினர் பொதுவாக மேற்கொள்கின்ற நடைமுறைகள் ஆகும் என்று சுட்டிக்காட்டப்பட்டு உள்ளது.[www.tamilcnn.com]

வவுனியாவில் மாதாவின் திருச்சொரூபம் அகற்றப்பட்டமைக்கு செல்வம் எம்.பி கண்டனம்.

2012-03-12T07:16:00.001-07:00

வவுனியாவில் மாதாவின் திருச்சொரூபம் அகற்றப்பட்டமைக்கு செல்வம் எம்.பி கண்டனம்.

[12-03-2012]

வவுனியா இளமருதங்குளம் கார்மேல் மாதா தேவாலயத்தில் உள்ள, மடு மாதாவின் திருச்சொரூபம் நேற்று முன்தினம் அதிகாலை அகற்றப்பட்டமை, இன நல்லுறவை சீர் குலைக்கும் செயல் எனவும் குறித்த செயற்பாட்டை தான் வன்மையாக கண்டிப்பதாகவும் பாராளுமன்ற உறுப்பினர் செல்வம் அடைக்கலநாதன் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில் தெரிவிக்கப்பட்டுள்ளதாவது:

நேற்று முன்தினம் காலை 5.45 மணிக்கும் 6.45 மணிக்கும் இடைப்பட்ட நேரத்தில், வவுனியா வடக்குப் பகுதியில் அமைந்திருக்கும் இளமருதங்குளம் கார் மேல் மாதா தேவாலயத்தில் உள்ள மடு மாதா திருச்சொரூபம் அகற்றப்பட்டுள்ளது.

கார்மேல் மாதா தேவாலயத்தினுள் புகுந்தவர்கள் அங்கு வைக்கப்பட்டிருந்த மடுமாதாவினுடைய திரூச்சொருபத்தை எடுத்து, ஆலயத்தின் மத்திய பகுதியில் நிலத்தில் வைத்து திருச்சொரூபத்தின் மீது நீரை ஊற்றியுள்ளனர்.

அதேவேளை கார்மேல் மாதாவின் திருச்சொரூபம் வைக்கப்பட்டிருந்த கூட்டினை உடைத்து மாதாவின் கழுத்தில் அணிவிக்கப்பட்டிருந்த மாலைகளை கழற்றி வீசி எறிந்துள்ளனர். அதிகாலையில் தேவாலயத்தினுள் புகுந்து அங்கிருந்த மாதாவின் திருச்சொரூபத்தினை அகற்றி இவ்வாறு செய்தவர்கள் எவரென இதுவரையில் தெரியவில்லை.

குறித்த சம்பவம் மிகவும் வேதனையினை ஏற்படுத்தியுள்ளது. இன, மத வேறுபாடு எவையும் இன்றி அனைவரும் வழிபடும் அன்னை மடுமாதாவி திருச் சொரரூபத்திற்கு, இச்செயற்பாட்டில் ஈடுபட்டவர்கள் சட்டத்தின் முன் நிறுத்தப்பட வேண்டும்.

நாட்டின் பல பாகங்களிலும் வீதிகளில் புத்தர் சிலைகள் வைக்கப்பட்டு பாதுகாக்கப்படுகின்றது. ஆனால் ஆலையத்தினுள் உள்ள மடு மாதாவில் திருச்சொரூபத்திற்கு இப்படி ஒரு பாதுகாப்பற்ற நிலமை ஏற்பட்டுள்ளது.

குறித்த சம்பவத்தினால் அப்பகுதியில் உள்ள கிறிஸ்தவ மக்கள் மத்தியில் கடும் சீற்றம் ஏற்பட்டுள்ளது. -எனவே பாதுகாப்புத் தரப்பினர் குறித்த சம்பவம் தொடர்பில் உடன் விசாரணைகளை மேற்கொண்டு, சம்பவத்தில் தொடர்புடையவர்களை சட்டத்தின் முன் நிறுத்த வேண்டும் என பா.உ செல்வம் அடைக்கலநாதன் வெளியிட்டுள்ள அறிக்கையில் குறிப்பிடப்பட்டுள்ளது.

PARADISE SANDY BAY HOTEL.

PARADISE SANDY BAY HOTEL.

Jalan Tanjung Bungah, 11200 Penang, Malaysia.

Telephone: +60102 550 224,

Fax: +60320969024.

Email: paradisesandybayhotel@live.com.my

Web:www.penang-hotels.com/sandybay

அன்று பரமனுக்கு பாண்டியன் அடித்தான்! இன்று தமிழனுக்கு புத்த பிக்கு அடிக்கிறார்!

2012-03-09T08:26:00.000-08:00

அன்று பரமனுக்கு பாண்டியன் அடித்தான்! இன்று தமிழனுக்கு புத்த பிக்கு அடிக்கிறார்!

[09-03-2012]

அமெரிக்காவும் அந்த ஆண்டவனும் பார்த்துக் கொள்ளட்டும் எங்களால் எதுவும் முடியாது. எல்லாவற்றையும் இழந்து உறவுகளைப்பறி கொடுத்து நடமாடும் மனித உடலங்களாக மட்டுமே நாங்கள். இதுதான் எங்கள் ஈழத்தமிழர்களின் சமகால நிலைமை.

நிலைமை இப்படியிருக்கையில், உங்களுக்கு என்ன குறையென்று கேட்பவர்களும் இருக்கிறார்கள். என்ன செய்ய முடியும்?

குறிகாட்டுவானில் வைத்து ஒரு பெளத்தபிக்கு தமிழ் இளைஞன் ஒருவரை தாக்குகிறார். அதனை கடற்படையினர் நின்று வேடிக்கை பார்க்கின்றார்கள்.

தமிழ் இளைஞனுக்கு புத்தபிக்கு அடித்தது போன்று, அந்தணச் சிவாச்சாரியார் ஒருவர் சிங்கள இளைஞனுக்கு அடித்திருந்தால் அல்லது அருட்திரு அடிகளார் ஒருவர் சிங்களவரை தாக்கியிருந்தால் நாலாம் மாடியில் வைத்து நறுக்கியிருப்பார்கள்.

ஆனால் புத்தபிக்கு தமிழ் இளைஞனை தமிழ் மண்ணில் வைத்து அடித்தபோது அதனைக்கண்டு கொள்வதற்கோ சம்பிரதாயத்திற்கேனும் கண்டிப்பதற்கோ ஆளில்லை.

என்ன செய்வது! அன்று பிட்டுக்கு மண் சுமந்த பரமனை பாண்டிய மன்னன் அடித்தான். இன்று பெளத்தபிக்கு தமிழ் இளைஞனை அடிக்கின்றார்.

அடிவேண்டி சீவியம் நடத்துவதுதான் எங்கள் தலைவிதியென்றாகிவிட்டது. பரவாயில்லை. அந்தப் பரமேஸ்வரனுக்கு பாண்டியன் அடித்த அடிபாரில் உள்ள அத்தனை மாந்தரின் முதுகிலும் விழுந்ததாகப் திருவிளையாடல் புராணம் பேசுகின்றது.

அதுபோல, பெளத்த பிக்கு குறிகாட்டுவானில் வைத்து தமிழ் இளைஞனுக்கு அடித்த அடி என்றோ ஒருநாள் பெளத்தபீடத்தில் இடியாக விழும்.

பாண்டியன் தான் செய்த தவறை அன்று உணர்ந்தது போல பெளத்த பிக்குவும் என்றோ ஒருநாள் உணர்வார். அப்போது மன்னிப்புக் கேட்பார். தூரம் அதிகம் இல்லை

கெஹலியவுக்கும் துமிந்தவுக்கும் 3 மாத விடுமுறை

2012-03-09T02:06:00.003-08:00

[09-03-2012]

அமைச்சர் கெஹலிய ரம்புக்வெல்லவினதும் நாடாளுமன்ற உறுப்பினர் துமிந்த சில்வாவினதும் உடல் நிலையைக் கருத்திற்கொண்டு அவர்களுக்கு நாடாளுமன்றம் மூன்று மாதகால விடுமுறையை வழங்கியுள்ளது.

முல்லைத்தீவில் 51 வீதமான வாக்காளர்களுக்கு அடையாள அட்டை இல்லை

2012-03-08T20:27:00.003-08:00

[09-03-2012]

முல்லைத்தீவு மாவட்டத்தின் புதுக்குடியிருப்பு மற்றும் கரைத்துறைப்பற்று ஆகிய பிரதேச சபைகளுக்கான வாக்காளர்களில் 51 வீதமானவர்களுக்கு அடையாள அட்டை இல்லையென தேர்தல்கள் செயலகம் குறிப்பிடுகின்றது.

குறித்த உள்ளூராட்சி மன்றத்திற்கு உட்பட்ட பகுதிகளில் 44,692 வாக்காளர்கள் இருப்பதாக மாவட்ட பிரதித் தேர்தல்கள் ஆணையாளர் எஸ்.சுதாகரன் தெரிவித்துள்ளார்.

அடையாள அட்டைகள் இல்லாத வாக்காளர்களுக்கு தற்காலிக அடையாள அட்டைகளை விநியோகிப்பதற்கு திட்டமொன்று முன்னெடுக்கப்படுவதாக அவர் கூறினார்.

தற்காலிக அடையாள அட்டைகளை விநியோகிப்பதற்கு விண்ணப்பம் கோரும் நடவடிக்கைகள் ஆரம்பிக்கப்பட்டுள்ளதாக மாவட்ட பிரதித் தேர்தல்கள் ஆணையாளர் சுட்டிக்காட்டினார்.

அத்துடன் எதிர்வரும் 17 ஆம் திகதி வரை விண்ணப்பங்கள் ஏற்றுக்கொள்ளப்படும் என எஸ்.சுதாகரன் மேலும் தெரிவித்துள்ளார்.

வவுனியா மாவட்டத்தில் சமூக சீர்கேடுகள் அதிகரிப்பு!

2012-03-08T20:11:00.001-08:00

[09-03-2012]

வவுனியா மாவட்டத்தில் அண்மைக்காலமாக கலாச்சார சீர்கேடுகள் அதிகரித்துக் காணப் படுவதாக சமூக ஆர்வலர்கள் கவலை தெரிவித்துள்ளனர். வவுனியா நகர் மற்றும் நகரை அண்டிய பகுதிகள், கிராமப்புறங்கள், குடிமனைகள் அற்ற பகுதிகளில் இவ்வாறான கலாசார சீர்கேடுகள் இடம்பெற்று வருவதாக சுட்டிக் காட்டப்பட்டுள்ளது.

வவுனியா நகர்ப்பகுதியிலுள்ள முக்கிய விடுதிகளில் இளைஞர்களும் யுவதிகளும் இத்தகைய சிர்கேடுகளில் ஈடுபடுகின்றனர். அத்துடன் யுவதிகளை ஓட்டோக்களில் ஏற்றிவரும் இளைஞர்கள் கிராமப்புரங்களிலுள்ள குளக்கட்டு, மைதானம், கோயில் அமைந்துள்ள பகுதிகள் என்பவற்றை தமது பாலியல் செயலை அரங்கேற்றும் இடங்களாகப் பயன்படுத்துகின்றனர்.

கொழும்பை அண்டிய பகுதிகளில் இடம்பெறுவது போன்று கிளிநொச்சி முல்லைத் தீவு மற்றும் வவுனியா ஆகிய பகுதிகளைச் செர்ந்த இளம் யுவதிகள்,திருமணம் செய்தோர் என பலரும் குறைந்த பணத்துக்காக இவ்வாறான இழி செயலை மேற்கொண்டு வருகின்றனர்.

அண்மையில் நெலுக்குளம் பகுதியிலுள்ள குளக்கட்டுப் பகுதியொன்றில் ஓட்டோ சாரதி ஒருவரும் அந்தப் பகுதியைச் சேர்ந்த யுவதியொருவரும் இவ்வாறான கலாசார சீர்கேட்டு நடவடிக்கையில் பகல்வேளையில் ஈடுபட்டிருந்தபோது அந்தப் பகுதியைச் சேர்ந்த சிவில் பாதுகாப்புக் குழுவினரால் கையும் மெய்யுமாகப் பிடிக்கப்பட்டு கடுமையாக எச்சரிக்கப்பட்டபின்னர் விடுவிக்கப்பட்டமை குறிப் பிடத்தக்கது.

வவுனியா மாவட்ட உதவிப் பொலிஸ் அத்தியட்சகரிடம் இத்தகைய சீர்கேடு களைக் கட்டுப்படுத்த நடவடிக்கை எடுக்குமாறு பொதுமக்கள் தரப்பில் கோரிக்கை விடுக்கப்பட்டுள்ளதாகத் தெரியவருகிறது.

யாழில் சிப்பாய் ஒருவர் இரு சகாக்களை கொன்றுவிட்டு தானும் தற்கொலை

2012-03-08T19:55:00.001-08:00

[09-03-2012]

யாழ்ப்பாணம், சாவகச்சேரி ஸ்ரீமுருகன் ஆலயத்தில் இடம்பெற்ற சம்பவம் தொடர்பில் படைவீரர் ஒருவர் ஏனைய இரு படைவீரர்கள் மீது துப்பாக்கிப்பிரயோகம் மேற்கொண்டுவிட்டு தன்னைத்தானே சுட்டுக் கொன்றுள்ளமை தொடர்பில் விசாரணையின் மூலம் தெரியவருவதாக இராணுவப் பேச்சாளர் பிரிகேடியர் நிஹால் ஹப்புகராச்சி தெரிவித்துள்ளார்.

இவர்களுக்கிடையிலுள்ள தனிப்பட்ட பகைமையே இச்சம்பவத்திற்கு காரணமெனவும் இராணுவப் பேச்சாளர் குறிப்பிட்டுள்ளார்.

மன்னார் ஆயர் இராயேப்பு ஜோசேப்பு ஆண்டகை தொடர்பில் ஜாதிக ஹெல உறுமவின் கருத்திற்கு தமிழ் தேசியக்கூட்டமைப்பின் வன்னி எம்.பிகள் கண்டனம்.

2012-03-08T19:49:00.002-08:00

[09-03-2012]

மன்னார் ஆயர் அதிவணக்கத்துக்குரிய இராயேப்பு ஜோசேப்பு ஆண்டகை தொடர்பில் ஜாதிக ஹெல உறுமய தெரிவித்திருக்கும் கருத்திற்கு தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர்கலான செல்வம் அடைக்கலநாதன் மற்றும் எஸ்.வினோ நோகராதலிங்கம் ஆகியோர் தமது கண்டனத்தை தெரிவித்துள்ளனர்.

இது தொடர்பில் அவர்கள் இன்று வெளியிட்டுள்ள அறிக்கையில் குறிப்பிடப்பட்டுள்ளதாவது,,,

அதிவணக்கத்துக்குரிய மன்னார் ஆயர் இராயப்பு ஜோசேப்பு ஆண்டகை அவர்களை உடனடியாக நீதிமன்றத்தில் நிறுத்த வேண்டும் என தெரிவிப்பதற்கு பேரினவாத கட்சியான ஜாதிக ஹெல உறுமயவிற்கு அருகதையில்லை.

தமிழ் மக்கள் மீதான இனப்படுகொலைக்கும,; இறுதியாக முள்ளிவாய்க்காலில் இடம்பெற்ற மனிதப்படுகொலைக்கும் மூலகாரணமாக அமைந்தவர்களே இந்த போரினவாத ஜாதிக ஹெல உறுமய குழுவினர்.

வன்னிப்பெருநிலப்பரப்பில் வாழ்ந்த ஒட்டுமொத்த தமிழ் மக்களையும் முள்ளிவாய்க்கால் பகுதியில் வைத்து படுகொலை செய்வதற்கு மூலகாரணமாக விளங்கியவர் ஜாதிக ஹெல உறுமய கட்சியினரே என்பதனை சர்வதேச சமூகம் புரிந்து கொண்டுள்ளது.

யுத்தம் உக்கிரமாக இடம்பெற்ற காலப்பகுதிகளிலும், இறுதிக்கட்ட யுத்தத்தின் போதும் இலங்கை கத்தோலிக்க ஆயர்மன்றத்தினதும் மன்னார் ஆயர் உள்ளிட்ட தமிழ் கத்தோலிக்க ஆயர்களினதும் கிறிஸ்து பிறப்புகால மற்றும் புதுவருடத்தை ஒட்டி மோதல் தவிர்ப்பினை கடைப்பிடிக்குமாறு விடுக்கப்பட்ட கோரிக்கை அரசாங்கத்தினால் உதாசினம் செய்யப்பட்டபோது இந்த ஜாதிக ஹெல உறுமய எங்கு போய் ஒழிந்துகொண்டது.

பௌத்த தர்மத்தினையும், அரசியல் அமைப்பினையும் மீறித்தானே அரசாங்கத்தினால் சொந்த நாட்டு மக்கள் அநியாயமாக படுகொலை செய்யப்பட்டிருக்கின்றனர்.அப்போது எங்கோ போய் ஒழிந்து கொண்டது இவர்கள் சொல்லும் அரசியலமைப்பு.

இறுதிக்கட்ட யுத்தத்தினை சாட்டாகக்கொண்டு வன்னிப்பெருநிலப்பரப்பின் மீது விதிக்கப்பட்டிருந்த திட்டமிடப்பட்ட பொருளாதாரத்தடை, மருத்துவ தடை,உள்ளிட்ட மனித நேயத்திற்கு முரனான செயற்பாடுகளை ஒருநாட்டின் அரசாங்கம் முன்னெடுத்திருந்த போது தனிமனிதனாக வன்னிக்காடுகளுக்குள் இடம்பெயர்ந்து சென்று கொண்டிருந்த மக்களை தேடி அலைந்து அவர்களுக்கு ஏற்பட்ட இழப்புக்களை நேரடியாக கண்டு மனத்தையிரத்தையும் ஏனைய உதவிகளையும் கொடுத்து மனிதநேயம் என்றால் இதுதான் என்பதை உலகிற்கு எடுத்துக்காட்டிய மன்னார் ஆயர் அவர்களுக்குத்தான் பாதிக்கப்பட்ட மக்களுக்கு நீதி கிடைக்க வேண்டும் என்பதை கேட்கின்ற உரிமையும் கடமையும் இருக்கின்றது.

அதற்காக அவர் உள்நாட்டில் பலதடவைகள் பல உயர்மட்டங்களை சந்தித்திருக்கின்றார்.தமது நியாயமான கோரிக்கைகளை அவர்கள் முன் சமர்ப்பித்திருக்கின்றார்.

இறுதியாக ஜனாதிபதியினால் நியமிக்கப்பட்ட கற்றுக்கொண்ட பாடங்கள் மற்றும் நல்லிணக்க ஆணைக்குழுவின் சாட்சியப்பதிவுகள் மன்னாரில் இடம்பெற்ற போதும் அதன் முன் பிரசன்னமாகி தமது கருத்துக்களை ஆவணமாக சமர்ப்பித்திருந்தார்.

இவ்வாறு மக்கள் பற்றியும் அவர்களது உரிமைகள்;, அன்றாட வாழ்வியல் பற்றியும் சிந்தித்து செயலாற்றிக்கொண்டிருக்கின்ற ஒரு மதத்தலைவரான மன்னார் ஆயர் அவர்களை நீதிமன்றின் முன் நிறுத்த வேண்டும் என ஜாதிக ஹெல உறுமய கூறுவதை மனசாட்சி உள்ள பெரும்பான்மையினர் கூட ஏற்றுக்கொள்ளமாட்டார்கள் என்பதையே நாம்தெரிவித்து நிற்கின்றோம்.

உள்நாட்டில் நாம்வாழும் சூழலில் நமக்கான உரிமைகள் மறுக்கப்படும் போது நீதிமன்றத்தை நாடுகின்றோம்.

அதே போன்றுதான் சர்வதேச மயமாகிப்போன தமிழர் விவகாரத்திற்கு நீதியுடன் கூடிய தீர்வு கிட்ட வேண்டுமாயின் சர்வதேச சமூகத்தை நாடுவது ஒன்றும் தவறில்லை.

எனவே மன்னார் ஆயர் உற்பட மக்களுக்காக குரல் கொடுக்கும் எந்த தரப்பினர்கள் மீதும் மேற்கொள்ளப்படும் இச்செயற்பாடுகளை நாம் வண்மையாகக்கண்டிக்கின்றோம்.

இது தொடரும் பட்சத்தில் இதற்கு எதிராக தமிழ் தேசியக் கூட்டமைப்பு வீதியில் இறங்கி போராட்டத்தை நடத்தவும் தயாரகவுள்ளதாக தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர்கலான செல்வம் அடைக்கலநாதன் மற்றும் எஸ்.வினோநோகராதலிங்கம் ஆகியோர் இணைந்து வெளியிட்டுள்ள அறிக்கையில் குறிப்பிடப்பட்டுள்ளது.

புலம்பெயர் தமிழர்களே!

உங்கள் நிகழ்வுகளை
இலவசமாக ஊரறியச் செய்யுங்கள்!

புலம்பெயர் தமிழர்களே எமது இணையத்தளத்தில் விளம்பரம் செய்ய...

1 week 75 us $

தொடர்புகளுக்கு:-077-6430657,071-6251237 e-mail-srl.mnp@gmail.com skype:-s.r.lambart

முள்ளிவாய்க்காலில் அரங்கேறிய கொடூரங்கள்! புதிய புகைப்படங்கள் வெளியீடு!!

2012-03-08T09:14:00.007-08:00

முள்ளிவாய்க்காலில் அரங்கேறிய கொடூரங்கள் பல ஏற்கனவே வெளிவந்தன. இப்போது அந்த கொலைவெறியாட்டத்தின் வெளிவராத உண்மைகள் சில வெளிவந்துவிட்டன.

கொடிய சிங்கள காமுகர்களின் கொலைவெறியாட்டத்தால் பலிகொள்ளப்பட்ட உறவுகளின் கொடூரங்கள் இவை.பெண்களை பெண்களாக எண்ணாத கொடிய சிங்கள வெறியரின் கொடூரதாண்டவத்தை இங்கே பார்க்கலாம்.

தாயக விடுதலைக்கு தங்களை கொடையாக்கிய எங்கள் பெண்புலிகளின் வரலாறு உலகறிந்த விடயம். ஆனால் முள்ளிவாய்க்கால் அந்த பெண்போராளிகளுக்கு தந்த வலி பெரிய கொடூரம்.

தமிழ்பெண்களை காணாத கொடிய சிங்களகாடையர்கள் இறுதிப்போரில் சரணடைந்தவர்களை, காயமடைந்தவர்களை கொடிய சித்திரவதைக்கு உட்படுத்தி கொலை செய்துள்ளது.

பெண்போராளிகளை குறிப்பாக இசைப்பிரியா மற்றும் இன்னொரு பெண்ணையும் சுட்டு விட்டு அவர்களின் மார்பகங்களில் முல்லால் குத்தி சப்பாத்துக் கால்களால் மிதித்து கொலை செய்யும் கொடூரம் இங்கே பதிவாகியுள்ளது.

காயமடைந்தவர்களை மருத்துவமனையில் வைத்தே எரித்துக்கொன்ற கொடூரம் தாங்க முடியாத துயர். பாதுகாப்புத்தேடி பாரஊர்திகளுக்கு கீழ் பதுங்கியவர்கள் அதன் கீழேயே எரிக்கப்பட்ட கொடுமை.

உழவு இயந்திதரத்தோடு சேர்த்தே உயிர்களும் வதைக்கப்பட்டு கொலைசெய்யப்பட்டு எரிக்கப்பட்ட கொடுமை.

போர் நடைபெறும் எந்த நாட்டிலும் நடைபெறாத கொடூரங்களையும் சித்திரவதைகளையும் தாயக தமிழ்மக்கள் அனுபவித்துவிட்டனர்.

[www.tamilcnn.com]

அருட்தந்தை சிறிதரன் சில்வெஸ்ட்டர் மாரடைப்பால் காலமானார்

2012-03-08T01:02:00.000-08:00

[08-03-2012]

எகெட் கரித்தாஸ் நிறுவனத்தின் மட்டக்களப்பு - அம்பாறை மாவட்டத்தின் முன்னாள் இயக்குநரும் மட்டக்களப்பு - அம்பாறை மறை மாவட்ட ஆயர் இல்லத்தின் தற்போதைய நிதிப்பொறுப்பாளருமான கலாநிதி அருட்தந்தை சிறிதரன் சில்வெஸ்ட்டர் தனது 50 வயதில் இன்று வியாழக்கிழமை அதிகாலை காலமானார்.

திடீரென சுகவீனமடைந்த இவர் வாழைச்சேனை வைத்தியசாலையில் அனுமதிக்கப்பட்ட நிலையில் மரணமடைந்ததாக ஆயர் இல்ல வட்டாரங்கள் தெரிவித்தன.

கல்முனை பற்றிமா கல்லூரி, மட்டக்களப்பு புனித மிக்கேல் கல்லூரி ஆகிய கல்லூரிகளில் இவர் கல்வி கற்றார். மட்டக்களப்பு, தாண்டவன்வெளியை சொந்த இடமாகக் கொண்ட இவர், 1993ஆம் ஆண்டு குருவாக திருநிலைப்படுத்தப்பட்டதைத் தொடர்ந்து திருமலை, மூதூர், கல்லாறு ஆகிய பணித்தளங்களில் குருவாகப் பணியாற்றினார்.

12 வருடங்கள் எகெட் கரித்தாஸ் நிறுவனத்தின் இயக்குநராக கடமையாற்றி சுனாமி மற்றும் அனர்த்தம் போன்றவற்றின்போது மட்டக்களப்பு, அம்பாறை மாவட்டங்களில் மனிதாபிமானப்பணி செய்து அனைத்து சமூகங்களினதும் நன்மதிப்பை இவர் பெற்றிருந்தார்.

இவர் இந்தியாவின், பெங்களூர் நகரில் அமைந்துள்ள கல்வி முகாமைத்துவம் மற்றும் சமூக சேவைகள் என்னும் நிறுவனத்தின் 'சர்வோட்டம் - நியூடில்லி' என்ற அமைப்பினால் கடந்த வருடம் ஜூன் மாதம் 26ஆம் திகதி நடத்தப்பட்ட 'கற்றறிவாளர் விருது - 2010' விழாவின்போது பேராசிரியர் பட்டம் வழங்கி கௌரவிக்கப்பட்டார்.

ஈழத்திலிருந்து தாய்த் தமிழகத்திற்கு ஒர் உயிர் காப்புப் பயணம்!

2012-03-07T17:12:00.000-08:00

ஈழத்திலிருந்து தாய்த் தமிழகத்திற்கு ஒர் உயிர் காப்புப் பயணம்!

மன்னார் ஆயருக்கு எதிராக ஜாதிக ஹெல உறுமைய வெளியிட்ட கருத்திற்கு மன்னார் மாவட்ட பொது அமைப்புக்களின் ஒன்றியம் கண்டனம்:

2012-03-07T17:02:00.001-08:00

மன்னார் ஆயருக்கு எதிராக ஜாதிக ஹெல உறுமைய வெளியிட்ட கருத்திற்கு மன்னார் மாவட்ட பொது அமைப்புக்களின் ஒன்றியம் கண்டனம்:

[08-03-2012]

மன்னார் மறைமாவட்ட ஆயர் இராயப்பு யோசேப்பு ஆண்டகை அவர்களை நீதிமன்றத்தில் நிறுத்த வேண்டும் என ஜாதிக ஹெல உறுமைய தெரிவித்த கருத்தினை மன்னார் மாவட்ட பொது அமைப்புக்களின் ஒன்றியம் வன்மையாகக்கண்டித்துள்ளது.

இவ்விடையம் தொடர்பில் மன்னார் மாவட்ட பொது அமைப்புக்களின் ஒன்றியம் விடுத்துள்ள அறிக்கையில் மேலும் தெரிவிக்கையில்:...

மன்னார் மறைமாவட்ட ஆயர் இராயப்பு ஜேசேப்பு ஆண்டகை அவர்கள் ஐக்கிய நாடுகள் அமைப்பிடம் இலங்கையில் நடந்த போர் குறிறங்கள் தொடர்பான போர்க்குற்ற விசாரனை நடத்தப்பட வேண்டும் என கூறியிருந்தார்.

இதற்கு ஜாதிக ஹெல உறுமைய எதிர்ப்புத் தெரிவித்துள்ளதோடு மன்னார் ஆயர் அவர்களை நீதிமன்றத்தில் நிறுத்த வேண்டும் என தெரிவித்துள்ளது. மன்னார் ஆயர் அவர்கள் கடந்த 30 வருடங்களாக புலிகளின் பிரிவினவாதத்திற்கு ஆதரவாக குறல் கொடுத்து வருவதாகவும் ஜாதிக ஹெல உறுமைய வெளியிட்டுள்ள அடிக்கையில் குறிப்பிட்ப்பட்டுள்ளது.

இதற்கு மன்னார் மாவட்ட பொது அமைப்புக்களின் ஒன்றியம் வன்மையான கண்டிக்கின்றது. கடந்த 30 வருடங்களாக இந்த நாட்டில் யுத்தம் இடம் பெற்று வந்தது.

இதன் போது வடக்கில் உள்ள தமிழ்,முஸ்ஸிம் மக்கள் பல்வேறு பிரச்சினைகளுக்கு முகம் கொடுத்ததோடு உயிர் மற்றும் உடமைகளை இழந்துள்ளது.

இதற்கு காரணம் இலங்கை அரசாங்கமே.

இதன் போது மக்களை காப்பாற்ற நினைக்காத ஜாதிக ஹெல உறுமைய இன்று இலங்கை அரசாங்கத்தை போர் குற்ற விசாரனையில் இருந்து காப்பாற்ற வேண்டும் என்பதன் நோக்கம் என்ன? இறுதிக்கட்ட யுத்த்தின் போது பல இலட்சக்கணக்காண மக்கள் இடம் பெயர்ந்தனர்.

பல ஆயிரக்கணக்கானோர் உயிரிழந்தனர். ஆயிரக்கணக்கான மக்கள் அங்கவீனமாக்கப்பட்டனர்.இதன் போது இந்த மக்களுக்காக கலத்தில் நின்று குரல் கொடுத்தது மன்னார் ஆயர் அவர்கலா?அல்லது ஜாதிக ஹெல உறுமைய வா?

இன்று மன்னார் மாவட்டத்தை பொருத்தவரையில் தமிழ் முஸ்ஸிம் மக்கள் ஒற்றுமையாக வாழ்ந்து வருகின்றனர்.

இந்த நிலையில் மன்னார் மறைமாவட்ட ஆயர் அவர்களை நீதிமன்றத்தில் நிறுத்த இனத்துவேசம் கொண்ட ஜாதிக ஹெல உறுமைய கூறிய கருத்திற்கு மன்னார் மாவட்ட மக்கள் அனைவரும் ஒட்டு மொத்த எதிர்ப்பை வெளிப்படுத்துகின்றோம்.

மன்னார் ஆயர் அவர்களுக்கு எதிராக ஜாதிக ஹெல உறுமையவின் செயற்பாடுகள் தொடரும் பட்சத்தில் குறித்த அமைப்பிற்கு எதிராக மக்களை வீதியில் இறக்கி போராட்டத்தை மேற்கொள்ளவுள்ளதாகவும் மன்னார் மாவட்ட பொது அமைப்புக்களின் ஒன்றியம் விடுத்துள்ள அறிக்கையில் மேலும் குறிப்பிடப்பட்டுள்ளது.

(மன்னார் மாவட்ட பொது அமைப்புக்களின் ஒன்றியம்))

[thanks seithy.com]

இலங்கை பிரமுகர்கள் வருகை:ஜெயா பிரதமருக்கு கடிதம்

2012-03-07T08:35:00.000-08:00

இலங்கை பிரமுகர்கள் வருகை:ஜெயா பிரதமருக்கு கடிதம்

[07-03-2012]

இந்தியப் பிரதருடன் தமிழக முதல்வர்

இலங்கையிலிருந்து பிரமுகர்கள் தமிழத்துக்கு விஜயம் செய்யும் போது, தமிழக அரசுடன் கலந்தாலோசித்த பிறகு அனுமதி வழங்கினால் நல்லது என்று தமிழக முதல்வர் ஜெயலலிதா இந்தியப் பிரதமர் மன்மோகன் சிங்குக்கு எழுதியுள்ள கடிதத்தில் தெரிவித்துள்ளார்.

அந்நாட்டிலிருந்து பிரமுகர்கள் அடிக்கடி தமிழகம் வருவதையும் இந்திய மத்திய அரசு ஊக்குவிக்கக் கூடாது எனவும் தமிழக முதல்வர் தனது கடிதத்தில் வலியுறுத்தியுள்ளார்.

சிங்கள மக்களுக்கு இணையான தகுதியை இலங்கையிலுள்ள தமிழ் மக்களுக்கு அங்குள்ள அரசு வழங்கவில்லை என்று தமிழகத்திலுள்ள தமிழர்கள் வருந்துவதாகவும் அவர் தனது கடிதத்தில் தெரிவித்துள்ளார்.இலங்கைத் தமிழர்கள் அங்கு கண்ணியமான முறையில் வாழ இலங்கை அரசு வழி செய்யவில்லை என்கிற பொதுவான புரிதல் தமிழ்நாட்டிலுள்ள தமிழ் மக்களிடையே இருப்பதாகவும் தனது கடிதத்தில் ஜெயலலிதா சுட்டிக்காட்டியுள்ளார்.

தமிழக மக்களின் மனநிலை அவ்வாறான நிலையில் இருக்கும் போது, இலங்கையைச் சேர்ந்த முக்கியப் பிரமுகர்கள் தனிப்பட்ட முறையில் அடிக்கடி தமிழகம் வந்து செல்வதாகவும் எனக் கூறியுள்ள ஜெயலலிதா, இலங்கை ஜனாதிபதி மஹிந்த ராஜபக்ஷவின் உறவினர் திருக்குமரன் நடேசன் அண்மையில் இராமேஸ்வரம் வந்தபோது சிலரால் தாக்கப்பட்ட சம்பவத்தையும் தனது கடிதத்தில் நினைவு கூர்ந்துள்ளார்.

அவரது வருகை குறித்து இந்திய அரசிடமிருந்தோ, இலங்கை அரசிடமிருந்தோ எவ்விதமான தகவலும் இல்லாத நிலையில், போதிய பாதுகாப்பு நடவடிக்கைகளை எடுக்க முடியவில்லை எனவும் தனது கடிதத்தில் கூறியுள்ளார்.

மேலும் அந்தச் சம்பவம் தொடர்பாக தென்னிந்தியாவுக்கான இலங்கை துணைத் தூதரும், மத்திய வெளியுறவுத்துறை இணைச் செயலரும், தமிழக அரசின் தலைமைச் செயலருக்கு எழுதியுள்ள கடிதங்களில் தெரிவித்திருக்கும் கருத்துக்கள் நியாயமற்றது, தேவையற்றது எனவும அவை ஏற்றுக் கொள்ள முடியாதது எனவும் தனது கடிதத்தில் தமிழக முதலவர் குறை கூறியுள்ளார்.

ஆனால் அக்கடிதங்களில் என்னவிதமான கருத்துக்கள் இருந்தன என்பது குறித்து ஜெயலலிதா இந்தியப் பிரதமருக்கு எழுதியுள்ள கடிதத்தில் விளக்கமேதும் அளிக்கப்படவில்லை.

எவ்வாறு இருந்தாலும் இலங்கையைச் சேர்ந்த அரசு அதிகாரிகளோ, இராணுவ அதிகாரிகளோ அல்லது வேறு பிரமுகர்களோ மாநில அரசுக்கு தகவல் கொடுக்காமல் வந்தால், முன்னெச்சரிக்கை நடவடிக்கை எதையும் எடுக்க முடியாது எனவும் ஜெயலலிதா தனது கடிதத்தில் கூறியுள்ளார்.[BBC]

கஹாவத்தையில் பதற்றம்; 2 வீடுகள் தீக்கிரை

2012-03-07T05:41:00.001-08:00

[07-03-2012]

கஹாவத்தை இரட்டை கொலை தொடர்பாக இரு சந்தேக நபர்களை பொலிஸார் கைதுசெய்ததாக அறிந்த பொதுமக்கள் அப்பகுதியிலுள்ள ஆளுங்கட்சி உறுப்பினர் ஒருவரின் வீடு உட்பட இரு வீடுகளை தீக்கிரையாக்கியதையடுத்து கஹாவத்தை பகுதியில் பதற்றம் நிலவுகிறது.

இவ்விரு வீடுகளும் ஐக்கிய மக்கள் சுதந்திர கூட்டமைப்பு பிரதேச சபை அங்கத்தவருக்கும் குற்றப் புலனாய்வுப் பிரிவினரால் கைது செய்யப்பட்ட அவரின் சகோதரருக்கும் சொந்தமானதாகும்.

நயண நல்மினி (52) எனும் பெண்ணும் அவரின் மகளான காவிந்த்யா சத்துராங்கனியும் (19) கடந்த ஜனவரி 31- பெப்ரவரி 2 ஆம் திகதிகளுக்கிடைப்பட்ட நாட்களில் கொலை செய்யப்பட்டமை குறிப்பிடத்தக்கது.

இந்திய மீனவர்களின் அத்துமீறல் தொடர்பாக இந்திய உயர் நீதிமன்றில் வழக்குத் தாக்கல் செய்ய தீர்மானம்

2012-03-07T01:52:00.000-08:00

இந்திய மீனவர்களின் அத்துமீறல் தொடர்பாக இந்திய உயர் நீதிமன்றில் வழக்குத் தாக்கல் செய்ய தீர்மானம்

[07-03-2012]

வடகடல் பகுதியில் அத்துமீறி கடற்றொழிலில் ஈடுபடும் இந்திய ஆழ்கடல் மீன்பிடி றோலர் தொழிலாளர்களுக்கு எதிராக இந்திய உயர் நீதிமன்றத்தில் வழக்குத் தாக்கல் செய்யப்படவுள்ளதாக வடமாகாண கடற்றொழிலாளர் கூட்டுறவு சமாசத் தலைவர் எஸ்.தவரெட்ணம் தெரிவித்துள்ளார்.

வடமாகாண கடற்றொழிலாளர் கூட்டுறவு சமாசத்தில் இன்று புதன்கிழமை நடைபெற்ற ஊடகவியலாளர்கள் சந்திப்பிலேயே அவர் இதனைக் கூறினார்.

'இந்திய மீனவர்கள் இலங்கை வடகடலில் உட்பிரவேசிக்கின்றமை மற்றும் இந்திய பாரம்பரிய சிறுகடற்றொழில் றோலர் படகுகள் பாதிப்படைகின்றமை தொடர்பாக தமிழ் நாடு சிறுகடற்றொழில் சங்கங்களின் மாவட்ட செயலாளர் எம்.கருணாமூர்த்தியினால் இந்த வழக்கு வடபகுதி மீனவர்கள் சார்பாக உயர் நீதிமன்றத்தில் தாக்கல் செய்யப்படவுள்ளதாகவும் அவர் கூறினார்.

தமிழ்நாட்டு மீன்வளத்துறை அமைச்சுக்கு இது தொடர்பாக தாங்கள் அறிவித்துள்ளதாகவும் தங்களின் பிரச்சினைகளுக்கு உடனடியாக தீர்வு காண வேண்டுமென கோரிக்கை விடுத்துள்ளதாகவும் அவர் தெரிவித்துள்ளார்.

இதேவேளை, அண்மையில் கச்சதீவில் இந்திய மற்றும் இலங்கை கடற்றொழிலாளர்களுக்கிடையில் சந்திப்பொன்று இடம்பெற்றதாகவும் இதில் இந்திய கடற்றொழிலாளர்கள் தாங்கள் ஆழ்கடல் மீன்பிடியை விடமுடியாத நிலையிலிருப்பதாகவும் மாற்றுத் தொழிலை மத்திய அரசு செய்து தருமானால் தாங்கள் ஆழ்கடல் மீன்பிடி றோலரை விடுவதாக தெரிவித்துள்ளதாகவும் தவரெட்ணம் குறிப்பிட்டுள்ளார்.

வவுனியா முகாமில் அடிக்கடி குடும்பப்படம் எடுக்க பணம் வசூலிக்கப்படுகின்றது: சிவசக்தி ஆனந்தன்

2012-03-06T08:48:00.000-08:00

வவுனியா முகாமில் அடிக்கடி குடும்பப்படம் எடுக்க பணம் வசூலிக்கப்படுகின்றது: சிவசக்தி ஆனந்தன்

[ 06-03-2012]

வவுனியா மாவட்டத்திலுள்ள மெனிக் பாம் நலன்புரி முகாம்களில் குடும்பப்படம் எடுப்பதற்கென அடிக்கடி பணம் வசூலிக்கப்படுவதாக த.தே.கூட்டமைப்பின் நாடாளுமன்ற உறுப்பினர் சிவசக்தி ஆனந்தனிடம் மக்கள் முறைப்பாடு செய்துள்ளதாக தெரிவிக்கப்பட்டுள்ளது.

இது தொடர்பாக நாடாளுமன்ற உறுப்பினர் சிவசக்தி ஆனந்தன் தெரிவிக்கையில்,

கடந்த இறுதிப் போரின் போது, தமது சொத்துக்கள் மற்றும் உடைமைகள் அனைத்தையும் இழந்த மக்கள் ஆனந்த குமாரசாமி, கதிர்காமர் நலன்புரி முகாம்களில் தற்போது தங்க வைக்கப்பட்டுள்ளனர்.

இதில் கதிர்காமர் நலன்புரி முகாமிலேயே அடிக்கடி குடும்பப்படம் எடுப்பதற்குப் பணம் கறக்கப்படுவதாக மக்கள் என்னிடம் முறைப்பாடு செய்துள்ளனர்.

மேலும், முகாம் வாழ் மக்கள் பல்வேறு இன்னல்களுக்கு மத்தியில் அன்றாட வாழ்க்கை நடத்துவதற்கே வாய்ப்பில்லாத நிலையில், முகாம் பொறுப்பதிகாரியால் மேற்கொள்ளப்படும் இந்த நடவடிக்கையை மக்கள் எனக்குத் தெரியப்படுத்தியுள்ளனர்.

ஏற்கனவே, இந்த முகாமில் உள்ளவர்களிடம் ஆறு தடவைகள் இவ்வாறு படம் எடுத்துப் பணம் பெறப்பட்டுள்ளதாக தெரிவிக்கப்பட்டுள்ளது.

மீண்டும் இந்நலன்புரிமுகாமிலுள்ள மக்களிடம் குடும்பப்படம் எடுக்க வேண்டும் எனவும், அதுவும் தனது புகைப்படக்கருவியினால் தான் படம் எடுக்க வேண்டும் என்றும் அதற்கு ஒவ்வொரு குடும்பமும் 150 ரூபாவைச் செலுத்த வேண்டும் என முகாம் பொறுப்பதிகாரி உத்தரவிட்டுள்ளதாக அங்குள்ள மக்கள் முறையிட்ட வண்ணம் உள்ளனர்.

நாம் நேரடியாக முகாம்களுக்குச் சென்று மக்களின் குறைநிறைகளைக் கேட்டு, நிவர்த்தி செய்வதற்கும் அரசாங்கம் அனுமதிப் பதில்லை எனவும் அவர் கவலை தெரிவித்துள்ளார்.[vavuniya corr]